Astanadaǵy jalpyulttyq telekópir barysynda Prezident Nursultan Nazarbaev Aqtóbe oblysyndaǵy «Bozoi» qoimasynda gazdy keptirý qondyrǵysyn iske qosty, dep habarlaidy QazAqparat.
«Qurmetti Elbasy! Osy jobanyń arqasynda Resei, Qytai, Ózbekstanǵa tasymaldanatyn tranzittik jáne eksporttyq gazdyń kólemi artady. «Bozoi» jerasty gaz qoimasy - elimizdiń energetikalyq qaýipsizdigin qamtamasyz etýde strategiialyq mańyzy bar. Jańa qondyrǵy ónimdilikti arttyryp, táýligine 27 mln tekshe metrge jetkizbek. Bul batys pen ońtústiktegi qazaqstandyq tutynýshylardy gazben úzdiksiz qamtamasyz etýge múmkindik beredi. Nursultan Ábishuly, iske qosýǵa ruqsat etińiz!», - dedi «QazMunaiGaz» UK» AQ aǵa vitse-prezidenti Ibýlla Serdiev.
Óz kezeginde Memleket basshysy Nursultan Nazarbaev el úshin bul óte mańyzdy joba ekenin, elimizdiń óńirlerin gazben qamtamasyz etýde úlken jobalar iske asyrylyp jatqanyn atap ótti. «Óndiristerińiz tabysty bolsyn. Iske qosyńyzdar!», - dedi Prezident.
Aita keteiik, Astanada Memleket basshysynyń qatysýymen «Jańa indýstriialandyrý: qazaqstandyq barystyń qadamy» ulttyq telekópiri ótip jatyr. Shara barysynda onlain-rejiminde búkil el boiynsha jańa indýstriialyq-innovatsiialyq, infraqurylymdyq, energetikalyq, agroónerkásiptik jobalar iske qosylýda.
.jpeg)