Qaraǵandy oblysy boiynsha Kóliktik baqylaý inspektsiiasynyń basshysy Bolat Nurbaev qyzmettik tekseriske bailanysty jumystan shettetildi, - dep habarlaidy Tengrinews.kz agenttigi.
Resmi málimet boiynsha, áleýmettik jelide paida bolǵan rezonans týdyrǵan videodan keiin Indýstriia jáne infraqurylymdyq damý ministrligi qyzmettik tekserýdi bastaǵan.
Qazannyń aiaǵynda Instagram-daǵy Ugolnaya_stolica-paraqshasynda qoldanýshy joldaǵan video jariialandy. Video Qaraǵandy oblysy boiynsha kólik inspektsiiasynyń jańadan taǵaiyndalǵan basshysy Bolat Nurabaevtyń kabinetinde túsirilgeni aitylǵan. Kadrlarda oblystyq kóliktik baqylaý inspektsiiasynyń basshysy men onyń áriptesteri túsirilgen.
"Ne bolyp jatqanyn túsindireiin. Biz, tekserý jumystarymen ainalysatyn inspektorlar toby, sizge senimsizdik bildiremiz. Biz boikot jariialaimyz. Sebebi: kamerany nege burǵanyńyzdy (baqylaý kamerasy - esk.) túsinbeimiz. Sizge ekinshi suraǵymyz: bul keńsede uialy bailanysty, Internetti boldyrmaityn arnaiy tehnikalyq quraldar bar ma?", - delingen videoda.
Sondai-aq, Bolat Nurabaevtyń áriptesteri inspektsiia bastyǵy jumys ýaqytynda kabinetinde kino kórip, temeki shegetinin aitady.
Indýstriia jáne infraqurylymdyq damý ministrliginiń baspasóz qyzmeti Tengrinews.kz tilshisine Jelide paida bolǵan videodan keiin ministrlik qyzmettik tekseris jariialaǵanyn habarlady. Tekseris nátijeleri keiinirek jariialanady.
Jazbada telefondy tyńdaýdan qorǵaityn qurylǵynyń fotosy usynylǵan. Qurylǵy kóliktik baqylaý inspektsiiasy bastyǵynyń kabinetinde ornatylǵany aityldy.
