Foto: Dzen.ru
Astanada 21 jastaǵy jigit óziniń nemere aǵasyn óltirip, al úsh týysyn pyshaqtap ketken degen kúdikke ilindi. Aldyn ala málimet boiynsha, olardyń arasynda kompiýterlik oiynǵa bailanysty janjal týyndaǵan. Bul týraly Ult.kz, Stan.kz aqparat agenttigine silteme jasap habarlaidy.
Astanada Mustafin kóshesindegi páterde eki apaly-sińlili turatyn. Olardyń biri – 60 jasta, ekinshisi 50 jasta. Olarmen aǵalarynyń balasy Janǵali Jumataev birge turǵan. Jumataev eshjerde jumys istemegen.
Jigit Standoff 2 oiynyna táýeldi bolǵan desedi, onda adamdardy óltirip, olarǵa oq atýǵa, granata laqtyrýǵa, pyshaqtaýǵa bolady.
“Qaraly túnde Janǵali smartfonymen súiikti oiynyn oinap otyrǵan. Túngi saǵat 3-ter shamasynda tátesi odan telefonyn óshirip, tósekke jatýyn ótindi, biraq ol bul ótinishti elemedi. Keiinirek ol taǵy da Jumataevtan basqalar uiyqtap jatqanda mazalamaýdy talap etti. Sondyqtan bolar, otbasy músheleriniń arasynda janjal týyndady”, – delingen tergeý málimetinde.
Málimdeýinshe, osydan keiin Janǵali Jumataev qolyna ashana pyshaǵyn alyp, eskertý jasaǵan tátesiniń ulyna 20 ret pyshaq suqty. Saldarynan 28 jastaǵy er adam jedel járdem kelgenshe mert boldy.
Onyń aiǵaiynan qalǵan týystary oianyp ketedi de, Jumataev olarǵa pyshaqpen shabýyldaǵan. 50 jastaǵy áieldiń beti men moinynda birneshe pyshaq jaraqattary bar, al 60 jastaǵy tátesiniń qabyrǵasy synǵan, keýde jáne deneniń basqa jerlerinde enetin jaraqattar bar.
Al naǵashy qaryndasy basy, keýdesi jáne arqasynda birneshe ret pyshaq jaraqattary bar.
“Qazir zardap shekken úsh áiel de aýrýhanada jatyr, olar tiri. Kúdikti qamaýǵa alyndy. Onyń áreketi “Adam óltirý” jáne “Óltirýge oqtalý” retinde saralanǵan”, – delingen habarlamada.
