Taiaýda telefon áleýmettik tólemderdiń kez kelgen túrin, zeinetaqy nemese járdemaqy, memleketten beriletin basqa da tólemderdi alýda ámiiannyń balamasyna ainalady. Bul týraly QR Tsifrlyq damý, innovatsiialar jáne aeroǵarysh ónerkásibi ministri Asqar Jumaǵaliev Facebook paraqshasynda jazdy, dep habarlaidy "Ult aqparat".
«Osydan birneshe jyl buryn dúkenderde bailanyssyz tólem jasaý úshin Pay Way fýnktsiiasy bar terminaldardyń paida bolǵany esimde. Ol kezde tólem kartasyn qoiý úshin terminaldyń qosymsha tirkemesi bolatyn. Bir dúkennen terminaldy kórip qalyp, dúkenshiden «bailanyssyz tólem jasaýǵa bola ma?» dep suradym. Ol tólem júrgizýdi qiyndatpaýdy (basyn aýyrtpaýyn) surady. Al, qazir buǵan bárimiz úirendik. Óitkeni, tehnologiialar qaryshtap damýda, biz bolsaq, ózimizge yńǵailysyn tańdaimyz. Tipti ózimen birge tólem kartasyn alyp júrmeitinderdi de bilemin. Sebebi olar NFC (Apple Pay, Samsung Pay, Google Pay) arqyly tólem jasaýǵa kóshken. Aqshany telefon nómiri boiynsha banktik shotqa jiberý, QR arqyly tóleý - kópshiliktiń úirenshikti isine ainaldy. Jaqynda egov-ta baj tólemin Kaspi arqyly QR kómegimen tóleý múmkindigi týdy. Al HQO-larda Halyq bank qosymshasy arqyly QR kómegimen tóleýge bolady», - dep jazdy ministr.
Onyń atap ótýinshe, sońǵy ýaqytta azamattyń JSN (elektrondy ámiian) boiynsha nemese tikelei telefon teńgerimine aqsha jiberýge bolatyn elektrondy jáne mobildi ámiiandar belsendi túrde qoldanylyp júr.
«Kar-Teldiń Eńbek ministrligimen birlesip, áleýmettik tólemdi azamattyń telefon teńgerimine jiberý múmkindigin synaqtan ótkizgeninen de habardarmyn. Teńgerimdegi aqshany bankomat nemese Qazposhta arqyly alýǵa bolady. Sondyqtan, taiaýda telefon áleýmettik tólemderdiń kez kelgen túrin, zeinetaqy nemese járdemaqy, memleketten beriletin basqa da tólemderdi alýda ámiiannyń balamasyna ainalady dep oilaimyn», - dedi Asqar Jumaǵaliev.
