sýret ashyq derekkózden alyndy
Ishki ister ministrligi ótken jyldyń 1 qyrkúiegine deiin Qazaqstanǵa kirgen sheteldik kólikterdi tehnikalyq pasportsyz zańdastyrý týraly Úkimet qaýlysyn ázirledi, dep habarlaidy Sputnik Qazaqstan.
Qujattyń jobasy "Ashyq NQA" portalynda jariialandy. Oǵan sáikes, avtobólshek retinde kirgizilgen, iaǵni tehnikalyq pasporty joq sheteldik kólikter eki qujatpen zańdastyrýdan ótedi. Olar:
- ótinish berýshiniń jeke basyn kýálandyratyn qujat;
- kólik quralyna menshik quqyǵyn rastaityn qujat.
Budan bólek, "konstrýktor" kólikterge qatysty talaptar da kórsetilgen.
"Kólik quraly kedendik tazartýdan ótkeni týraly málimet bolmaǵan jaǵdaida jáne eger kólik quraly izdeýde bolmasa, bastapqy memlekettik tirkeý úshin 200 000 teńge mólsherinde alym tólenedi", - delingen qujatta.
Osy sanattaǵy kólikter boiynsha birneshe qujat tapsyrý kerek. Olar:
1) ótinish berýshiniń kólik quralyn satyp alý mán-jailary kórsetiletin ótinishi;
2) ishki ister organdarynyń ýákiletti qyzmetkeri bergen kólik quralyn qarap tekserý aktisi;
3) tehnikalyq baiqaýdyń diagnostikalyq kartasy negizinde qoldanýǵa jol beriledi.
"Konstrýktor" kólikterdi zańdastyrǵannan keiin Qazaqstan aýmaǵynda ǵana paidalanýǵa bolady. Mundai kólik quraldaryna qatysty menshik quqyǵyn ózgertýge ruqsat joq. Sondyqtan kólikti tirkeý týraly kýálikte "Menshik quqyǵyn ózgertýge tyiym salý, tek Qazaqstan Respýblikasynyń aýmaǵynda paidalanýǵa ruqsat etiledi" degen jazba bolady.
