«Báiterek» holdingi óziniń enshiles uiymy «Tehnologiialyq damý jónindegi ulttyq agenttik» AQ qyzmetiniń aiaqtalǵany jáne onyń ataýynyń «QazTech Ventures» AQ-ǵa aýystyrylǵanyn málimdeidi, dep habarlady «Báiterek» ulttyq basqarýshy holdingi» AQ baspasóz qyzmeti.
Innovatsiialyq granttar berýmen endi «Qazaqstandyq indýstriiany damytý institýty» AQ ainalysatyn bolady, al QazTech Ventures venchýrlyq kapital naryǵyn jáne tehnologiialyq kásipkerligin damytýǵa basa nazar aýdarady. Osy maqsattarda QazTech Ventures qyzmetiniń negizgi úsh baǵyty anyqtaldy: venchýrlyq qarjylandyrý, jeke biznes-inkýbatorlardy qoldaý jáne tehnologiialyq konsalting.
Birinshi baǵyt boiynsha QazTech Ventures Qazaqstandaǵy tehnologiialyq startaptardy qoldaýǵa baǵyttalǵan venchýrlyq qorlar qory formatynda jumys isteýdi josparlap otyr. Biznes-inkýbatsiialaý quraly sheńberinde olardyń operatsiialyq shyǵystaryn óteý arqyly inkýbatorlardyń qyzmetine qarjylyq qoldaý, sondai-aq osy inkýbatorlardyń jobalaryna qarjylyq qoldaý kórsetiletin bolady. Tehnologiialyq konsalting sheńberinde B2B formattaǵy tehnologiialyq brokerlik qyzmetteri kórsetiledi, sondai-aq jobalardyń tehnologiialyq saraptamasy qamtamasyz etilmek.
Joǵaryda atalǵan quraldar men is-sharalar joǵary tehnologiialyq kompaniialardy damýdyń bastapqy kezeńinde damytýǵa, sondai-aq odan ári ósý kezinde investitsiialaýǵa qoldaý kórsetýge jáne joǵary qosymsha qundy ónimdermen jáne qyzmettermen osy kompaniialardy barynsha damyǵan deńgeige shyǵarýǵa múmkindik beredi. Budan basqa, bul innovatsiialardyń turaqty ekojúiesin damytýǵa múmkindik beredi.
