Tekeli qalasynda qoǵamdyq orynda ishimdik ishken azamattar qamaýǵa alyndy, dep habarlaidy QazAqparat.
Búgin Taldyqorǵan mamandandyrylǵan aýdanaralyq ákimshilik sotynda QR ÁQBtK 434-babynyń 1-bóligimen Tekeli qalasynyń azamattary A men B.-ǵa qatysty jáne QR ÁQBtK 434-babynyń 2-bóligimen azamat D.-ǵa qatysty ákimshilik ister qaraldy.
Sotta anyqtalǵandai, quqyq buzýshylar Tekeli qalasy, Áýezov kóshesinde ornalasqan saiabaqta alkogoldik ishimdik iship, aýlaǵa iaǵni belgilenbegen orynǵa bótelkeni tastaǵan.
Sonymen, D. ákimshilik jaza bergeli bir jyl ótpei, qaitalap ortaq paidalaný ornyn lastap qasaqana ÁQBtK-niń 434-babynyń 2-bóligimen ákimshilik quqyq buzýshylyq jasaǵan.
Sot otyrysynda quqyq buzýshylylar ákimshilik quqyq buzýshylyqty jasaǵanyn tolyq moiyndady.
Sottyń qaýlysymen azamattar A. jáne B. QR ÁQBtK-ń 434-babynyń 1-bóligimen kináli dep tanylyp 3 (úsh) táýlikke, al azamat D. QR ÁQBtK-ń 434-babynyń 2-bóligimen 5 (bes) táýlikke ákimshilik qamaqqa alyndy.
Qaýlylar zańdy kúshine engen joq.
Esterińizge sala ketsek, Tekeli qalasynyń ákimi Baqtiiar Ónerbaev qoǵamdyq orynda úsh er adamnyń alkagoldi ishimdikti iship jatqan jerinen beinejazba jariialaǵan bolatyn.
