Qyrǵyzstan parlamentiniń depýtaty, oppozitsiialyq "Ata Meken" fraktsiiasynyń jetekshisi Omýrbek Tekebaev prezident Almazbek Atambaevqa impichment jariialaý protsesin bastaýdy usyndy.
Tekebaev "Atambaev pen onyń mańaiyndaǵylar bilikti zańsyz basyp alyp, oppozitsiialyq partiialardyń quqyǵyn shektep jatyr. Al Atambaevtyń ózi prezident qyzmetin asyra paidalanyp otyr" dedi.
22 qarashada Tekebaev resmi túrde "Ata Meken" fraktsiiasy prezidentke impichment jariialaýǵa qujattar jinaýdy bastaǵanyn aitty. Al Qyrǵyzstan prezidentiniń apparaty Atambaevqa impichment jariialaý bastamasyn "shoý" dep atady.
Prezident ákimshiliginiń aqparat bóliminiń jetekshisi Almaz Úsenov Azattyqtyń Qyrǵyz qyzmetine "Qyrǵyzstan - "saiasatkerler men qoǵam qairatkerleri óz oiyn ashyq jetkizetin demokratiialyq el" dedi.
Qyrǵyzstan konstitýtsiiasynda prezidentke impichment jariialaý úshin depýtattardyń kem degende úshten biri qoldaý kerek. Buǵan qosa konstitýtsiiaǵa sai prezidentke taǵylǵan aiyp úsh aida dáleldenbese, negizsiz dep tanylady.
