قىرعىزستان پارلامەنتٸنٸڭ دەپۋتاتى, وپپوزيتسييالىق "اتا مەكەن" فراكتسيياسىنىڭ جەتەكشٸسٸ ومۋربەك تەكەباەۆ پرەزيدەنت المازبەك اتامباەۆقا يمپيچمەنت جارييالاۋ پروتسەسٸن باستاۋدى ۇسىندى.
تەكەباەۆ "اتامباەۆ پەن ونىڭ ماڭايىنداعىلار بيلٸكتٸ زاڭسىز باسىپ الىپ, وپپوزيتسييالىق پارتييالاردىڭ قۇقىعىن شەكتەپ جاتىر. ال اتامباەۆتىڭ ٶزٸ پرەزيدەنت قىزمەتٸن اسىرا پايدالانىپ وتىر" دەدٸ.
22 قاراشادا تەكەباەۆ رەسمي تٷردە "اتا مەكەن" فراكتسيياسى پرەزيدەنتكە يمپيچمەنت جارييالاۋعا قۇجاتتار جيناۋدى باستاعانىن ايتتى. ال قىرعىزستان پرەزيدەنتٸنٸڭ اپپاراتى اتامباەۆقا يمپيچمەنت جارييالاۋ باستاماسىن "شوۋ" دەپ اتادى.
پرەزيدەنت ەكٸمشٸلٸگٸنٸڭ اقپارات بٶلٸمٸنٸڭ جەتەكشٸسٸ الماز ٷسەنوۆ ازاتتىقتىڭ قىرعىز قىزمەتٸنە "قىرعىزستان - "ساياساتكەرلەر مەن قوعام قايراتكەرلەرٸ ٶز ويىن اشىق جەتكٸزەتٸن دەموكراتييالىق ەل" دەدٸ.
قىرعىزستان كونستيتۋتسيياسىندا پرەزيدەنتكە يمپيچمەنت جارييالاۋ ٷشٸن دەپۋتاتتاردىڭ كەم دەگەندە ٷشتەن بٸرٸ قولداۋ كەرەك. بۇعان قوسا كونستيتۋتسيياعا ساي پرەزيدەنتكە تاعىلعان ايىپ ٷش ايدا دەلەلدەنبەسە, نەگٸزسٸز دەپ تانىلادى.
