Foto: studio-otragenie.ru
Elimizde teatr maýsymynyń ashylǵanyna kóp ýaqyt bola qoiǵan joq. Ult.kz 15‒21 qyrkúiek aralyǵynda Astana men Almatydaǵy teatrlarda ótetin qoiylymdarǵa sholý jasady.
ASTANA
«Astana Opera»
17 qyrkúiekte «Astana Opera» teatrynyń basty sahnasynda ulttyq ónerimizdiń betke ustar shyǵarmasyna ainalǵan Muqan Tólebaevtyń «Birjan – Sara» operasynyń jańa mýzykalyq-sahnalyq redaktsiiasy kórsetiledi.
20 qyrkúiekte HH ǵasyrdyń uly kompozitorlarynyń biri Astor Piatstsolla tangony álemge tolyqqandy klassikalyq janr retinde tanytty. «Tango. Piazzolla. Live» kontserti – osy jalyndaǵan janrdy súiip tyńdaityndar úshin tamasha syi. Sahnaǵa argentinalyq maestronyń shyǵarmashylyǵyn shamshyraq etip, kórkemdik talpynystaryna shabyt alǵan sheber aspaptyq ansambl shyǵady.
Kesh baǵdarlamasynda Astor Piatstsollanyń, sondai-aq onyń izasharlary men zamandastary Karlos Gardel, Fransisko Kanaro, Roberto syndy argentinalyq tango tarlandarynyń tanymal mýzykasy shyrqalady.
21 qyrkúiek ‒ «Úrlemeli aspaptar patshalyǵyna saiahat» kontserti. «Astana Opera» teatry eń jas kórermender úshin segiz kontsertten turatyn «Gadjetsiz ýaqyt» toptamasyn bastaidy. Bul joba aiasynda operanyń jetekshi solisteri men simfoniialyq orkestr ártisteri balalardy klassikalyq mýzykanyń ǵajaiyp álemimen tanystyrmaq.
Osy ýaqyt ishinde balalarǵa klassikalyq óner týraly alǵashqy bilim berilip qana qoimai, kásibi mýzykanttarmen tikelei bailanys ornatylady. «Gadjetsiz ýaqyt» – balaǵa opera men simfoniialyq mýzykanyń kórkemdigin uǵynyqty ári qyzyqty túrde tanytýdyń biregei múmkindigi.
Birinshi kontsert aiasynda jas qonaqtar ózderiniń qýatty úni men ásem syrtqy pishinimen belgili úrlemeli aspaptarmen tanysady. Kontsert baǵdarlamasy mýzykany, júrgizýshiniń sózin, jumbaqtardy jáne teatrlyq kórinisterdi sheber ushtastyrady. Balalardyń orkestrdiń ártisterine qosylyp, shyǵarmalardy oryndaýǵa tikelei qatysý múmkindigi kontserttiń sharyqtaý shegine ainalmaq.
Qalibek Qýanyshbaev atyndaǵy Qazaq ulttyq mýzykalyq drama teatry
16 qyrkúiekte «ESTI ÁNDER» Simfoniialyq orkestr men Halyq aspaptar ansambliniń kontserti ótedi. Bas dirijer: «Mádeniet salasynyń úzdigi» Erlan Beisembaev.
Kontsertte «Moldabaidyń áni», Q.Saǵyrbaiulynyń «Saranjap», «Saryarqa», E.Brýsilovskiidiń «Shashý», «Bozaiǵyr», Sh.Qaldaiaqovtyń «Ana týraly jyr», N.Tilendievtiń «Júregim meniń», «Qustar áni», Ǵ.Qurmanǵalievtiń «Aq erke», B.Makaevtyń «Ǵasyrlar úni», T.Muhamedjanovtyń «Ińkárim-ai», M.Berdiǵulovtyń «Shahristan», A.Baqytnur «Shestvie», E.Kanapianov «Aqqý elim Qazaqstan», T.Shókenov «Samǵaý» týyndylary men «Kúi shashý» oryndalady.
16 qyrkúiekte Qalibek Qýanyshbaev atyndaǵy Qazaq ulttyq mýzykalyq drama teatrynyń kishi sahnasynda «Sheńber» epikalyq drama ótedi. Qoiylymnyń rejisseri ‒ Ulan Qabyl.
M.Gorkii atyndaǵy Memlekettik akademiialyq orys drama teatry
M.Gorkii atyndaǵy Memlekettik akademiialyq orys drama teatry da kórermenderge esigin aiqara ashyp, mereitoilyq teatr maýsymyn bastady. Teatr 16 qyrkúiekte K. Júnisov, I. Sedinniń «Áliia» dramasyn qoiady. Qoiylym Keńes Úkimetiniń batyry Áliia Moldaǵulovanyń 100 jyldyq mereitoiyna arnalady.
Astana qalasy ákimdiginiń «Jastar teatry»
17 qyrkúiekte Ǵabit Músirepovtyń «Jibek» librettosy ótedi.
Ǵasyrdy ǵasyrǵa jalǵaǵan jaýhar jyrdyń Jastar teatry sahnasynda jandaný men til qatý ádisi de, «sóileý» qalyby da ózgeshe. Evgenii Brýsilovskiidiń zamanaýi únde jańasha óńdelgen klassikalyq mýzykasy kórermenin formalyq, ideialyq hám kórkemdik ereksheligimen baýraidy. Qazaqtyń baiyrǵy salty bastańǵy stilinde órbitin miýziklde negizinen jastardyń syry men muńy, armany men muraty, eń bastysy, kirshiksiz mahabbaty alǵa shyǵady. Ǵajaiyp mýzyka tili arqyly sezim kúiin sherter qoiylym kórermenin bei-jai qaldyrmaidy.
Qoiýshy rejisser – Qazaqstannyń eńbek sińirgen qairatkeri,QR Memlekettik syilyǵynyń laýreaty Nurqanat Jaqypbai.
18 qyrkúiekte kishkentai balaqailardy qaiyrymdylyqqa, adamgershilikke, meiirbandyqqa, izgilikke shaqyratyn Iu. Alesinniń «Zolýshka» qoiylymy ótedi.
Qoiýshy Rejisser: Mádeniet salasynyń úzdigi Beibit Qusanbaev, Zolýshkanyń rólinde: Ásem Jorabek.
19‒20 qyrkúiekte eki kún qatarynan T. Ahmetjannyń «Taptym. Ǵashyq boldym. Joǵalttym» miýzikli qoiylady.
Kól jaǵasyna demalýǵa kelgen jas jigit jaǵalaýdan óziniń qiialyndaǵy arýyn jolyqtyrady. Alaida mahabbat bar jerde qarsylyqtyń da qatar júretin aksiomasy bul oqiǵadan da ainalyp ótpeidi: sulýdyń nekeli jary bar eken...
Qoiýshy rejisser: Qazaqstannyń eńbek sińirgen qairatkeri, QR Memlekettik syilyǵynyń laýreaty Nurqanat Jaqypbai
21 qyrkúiekte barlyq teatr akterleriniń qatysýymen Qazaqstannyń eńbek sińirgen qairatkeri, QR Memlekettik syilyǵynyń laýreaty Nurqanat Jaqypbaidyń «Janarymdaǵy jalǵyz áýen» qoiylymy ótedi. Janry: Áýenge tabyný
ALMATY
Abai atyndaǵy Qaz.UOBT
20 qyrkúiekte 92-shi teatr maýsymynyń ashylýyna orai AHMET JUBANOV - LATIF HAMIDI - «ABAI» qoiylymy ótedi.
Muhtar Áýezovtiń Librettosy 2 saǵat 40 minýtqa sozylady, spektakl eki úzilispen keledi.
21 qyrkúiekte P.I.Chaikovskiidiń «Aqqý kóli» 2 aktidegi baleti oryndalady.
Libretto avtorlary: V.P.Begichev, V.F.Geltser
Ǵ. Músirepov atyndaǵy qazaq memlekettik akademiialyq balalar men jasóspirimder teatry
16 qyrkúiekte Ǵ. Músirepov atyndaǵy qazaq memlekettik akademiialyq balalar men jasóspirimder teatry Álimbek Orazbekovtiń «Bir túp alma aǵashy» qoiylymyn tamashalaýǵa shaqyrady.
Kútimsiz gúl de solady, aǵash ta qýraidy...
Qoiýshy rejissior: Murat Ahmanov, Qoiýshy sýretshi: Serikqan Omarov. Spektakl uzaqtyǵy: 1 saǵat 40 minýt
16 qyrkúiekte F. G. Lorkanyń Oian, qalyńdyq dramasy ótedi.
Ispaniia, HH ǵasyrdyń basy.
Ulynyń júzimdikke bara jatqanyn jáne onyń pyshaq alǵysy kelgenin bilgen anasy adam balasyn óltirýge qaýqarly qarý-jaraq, quraldardy oilap tapqandarǵa qarǵys aitady. Óitpegende she?... Kúieýi men tuńǵysh ul da sol qarǵys atqan pyshaqtyń kesirinen keskilesip qaitys bolǵan.
Uly tańdaǵan qalyndyqty unata qoimaǵan anasy alda bolatyn toi týraly da oilaǵysy joq. Kúieý jigit ketip, kórshisi keledi. Ary qarai bári de ózgeredi. Bul qandai mahabbat?.. Bárine kóndikken ana ulyna eshteńe aitpaýdy uiǵarady.
Qoiýshy rejissior: Dina Jumabai, Aýdarǵan: Nartai Saýdanbekuly, Horeograf: Gúlsaia Táýirhanova.
17 qyrkúiekte Shyńǵys Aitmatovtyń eń kóp sahnalanǵan, eń kóp oqylǵan, juldyzy jaryq týyndysynyń biri «Aq keme» spektakli ótedi. «Aq keme» kóptegen teatrlarda sahnalanǵan. Ǵ.Músirepov teatry bul jańasha nusqany kórip, ózinshe oi túiip, kózaiym bolýǵa shaqyrady.
18 qyrkúiekte Ý.Shekspirdiń «Gamlet» tragediiasy sahnalanady.
Rejisser: D.Jumabaeva, Sýretshi: A.Esbolatova, Horeograf: S.Beimisheva, Kompozitor: N.Tóráli.
19 qyrkúiekte Ǵ. Músirepov atyndaǵy teatrda Shekspirdiń taǵy bir týyndysy ‒ «Makbet» drama stilindegi tragikomediiasy ótedi.
Dál osy kúni, iaǵni 19 qyrkúiekte «Sheńber» epikalyq dramasy sahnalanady.
Avtory: B. Breht, Aýdarǵan: Z. Saqiuly, Rejisseri: U. Qabyl.
20 qyrkúiekte Sábit Muqanovtyń «Móldir mahabbat» dramasy qoiylady.
Basty keiipkerler - Búrkit pen Bátes - adaldyq pen shynaiy sezimniń jolynda júieniń qatygezdigimen betpe-bet keledi. Sahna tórinde Búrkittiń tórt kúndik soty júrip jatqanda, zalda kórermen shyndyq pen jalǵannyń jigin júregimen ajyratady...
21 qyrkúiekte «Torai Fýntiktiń shytyrman oqiǵalary» balalarǵa sahnadanatyn bolady.
Kishkentai toraidyń tsirk ártisi bolýdy qalai sheshkeni týraly kóńildi otbasylyq qoiylym. Onyń qaýipti shytyrman oqiǵalary men jańa dostary týraly bizdiń «Fýntiktiń shytyrman oqiǵalary» qoiylymynan bile alasyzdar. Sizderdi qýyrshaq teatry, tsirk nómiri, kópirshikti shoý, fokýstar, keremet transformatsiia, sonymen qatar oiyndar, biler, qyzyqty keiipkerler men hikaia kútedi.
21 qyrkúiek ‒ «Ulpan». Ǵabit Músirepov áiel teńdigi ideialaryn zaman aldy kótergen bolatyn. Qazaq dalasyndaǵy áielder men erler arasyndaǵy teńdik taqyryby jazýshynyń «Ulpan» atty aitýly romanynda syr shertiledi. Ǵasyrlar óte kele shyǵarma óziniń ózektiligin saqtap, Gúlnaz Balpeiisovanyń qoiylymy qazirgi zamanǵa sai qabyldanyp, kórermenderdiń keń aýqymyn qyzyqtyra alatyny anyq.
M.Lermontov atyndaǵy Memlekettik akademiialyq orys drama teatry
M.Lermontov atyndaǵy teatr da óz kórermenderine esigin jańa maýsymda aiqara ashqan bolatyn. Osy aptanyń kestesinde birneshe qoiylym bar eken.
16 qyrkúiekte ótetin Mark Kamolettidiń «Pijama na shesteryh» frantsýz sahnasynda “eń uzaq ómir súrgen” spektakldirdiń biri retinde Ginnestiń rekordtar kitabyna engen. « Pijama na shesteryh» - kútpegen jáne kúlkili jaǵdailarǵa toly bir frantsýz otbasynyń otbasylyq ómiri týraly tamasha, tapqyr komediia.
17 qyrkúiekte «Ýjin s dýrakom» Bai kitap baspageri jáne jalyqtyrǵan snob Perdiń birtúrli hobbii bar. Aptasyna bir ret ol dostarymen desert bolatyn jerde keshki as uiymdastyrady... aqymaq. Toiǵansha mazaq etip, júlde utyp alatyn qonaq.
17 qyrkúiekte ótetin mahabbat, erler dostyǵy jáne adamdar arasynda ózara túsinistik bolmaǵan kezdegi tirshiliktiń baqytsyzdyǵy týraly kúlkili jáne birshama tálimdi «Vkýs chereshni» komediiasy 15 jastan bastap kórermenderge arnalǵan.
Bai kitap baspageri Perdiń birtúrli hobbii bar. Aptasyna bir ret ol dostarymen keshki as uiymdastyrady, desertke ... aqymaq usynylady. Qonaqtar toiǵansha mazaq etip, júlde utyp alady.
19 qyrkúiekte «Chýjoi rebionok» pesasynyń negizinde sahnalanǵan «Sovershenno letniaia istoriia» spektakli bolady.
Mýzykalyq komediiada jastyq shaq, mahabbat, bi, ártisterdiń jandy daýysta án aitýy – bir sózben aitqanda naǵyz teatr sol qalpynda!
20 qyrkúiekte «Shým za stsenoi» komediiasy Mihail Roshinniń teatrlandyrylǵan nusqasy. Aǵylshyn tilinen aýdarǵan: Zoia Anderson.
20 qyrkúiekte «Jizn taki prekrasna!» qoiylymy ótedi.
M.Lermontov atyndaǵy Memlekettik akademiialyq orys drama teatry qoiylymnyń alty novellasynan keiin úiine qaitatyn kórermenniń esh-biri qartaiýdan qoryqpaidy dep ýáde beremiz! Óitkeni «Mýlia, ómir... KEREMET!» deidi.
21 qyrkúiekte Aleksandr Pýshkinniń «Evgenii Onegin» shyǵarmasy negizinde sahnalanǵan «Onegin» qoiylymy Memlekettik akademiialyq orys drama teatry sahnasynda qoiylady. Teatr ujymy orys klassiginiń shyǵarmasyna jańa kózqaraspen qarap kórýge shaqyrady.
«Jas Sahna» teatry
19 qyrkúiekte «Meniń kishkentai Oskarym» monospektakli ótedi. E-E. Shmitttiń «Oskar jáne qyzǵylt hanym» romany boiynsha qoiylǵan spektakldi Marianna Pokrovskaia sahnalaidy.
Marianna Pokrovskaia - Lermontov teatrynyń jetekshi aktrisasy. Qoiylymdy aktrisa óziniń marqum ákesi Katsev Vladimir Zelikovichtiń qurmetine arnaǵan.
Romannyń negizgi jelisinde - qaterli aýrýǵa shaldyqqan balanyń Qudaiǵa arnaǵan hattary. Bul hattarda bala óziniń emhanadaǵy ómirin jáne «Qyzǵylt bikeshpen», iaǵni sharasyz jaǵdaidan qorqynyshyn jeńýge kómektesetin qart kútýshisimen dostyǵyn sipattaidy. Kútýshiniń arqasynda shaǵyn ǵana on eki kún tolyqqandy ǵúmyr súrgenmen teń boldy. Bul oqiǵa ómirdiń árbir kúnine qýanýǵa daǵdylaný kerektigi týraly, ómirdi onyń barlyq tustarymen qabyldaý týraly, sený, senim artý jáne jaqsy kórý týraly, ómir ólimnen, al senim qorqynyshtan kúshtirek ekeni týraly baiandaidy.
20 qyrkúiekte kishkentai kórermenderge «Kýrochka Riaba. Toqylǵan ertegi» qoiylymyn Baby teatry usynady.
Atasy men ájesinde Kýrochka Riaba bireý ǵana bolmaǵanyn sender bildińder me?
Onyń taǵy da eki bozshaǵala qurbysy, átesh dosy jáne de balapan bóbek sekildi dostary boldy...
Balalarmen birge biz ertegi toqyp, tamashalap, tyńdap, oinap, án salatyn bolamyz!
Alaqai, alaqai,
Taýyqpen oina, balaqai!
Dándi daqyl teremiz,
Án de shyrqap beremiz!
20 qyrkúiekte «Zazerkale» teatry «Tiri baǵdarsham» balalarǵa arnalǵan ertegisin usynady.
Avtory: N. Melenteva, Rejisseri: N. Maibo.
Balalarǵa jol júrý erejesin qalai úiretýge bolady? Árine eń tiimdisi oiyndarda, ánder jáne qýyrshaqtarmen kórsetý, sebebi onda til almaityn balalarmen ne bolatynyn kórsetip beredi eken. Alaida ertegi tek erejelerdi jattaýmen ǵana shektelip qoimaidy, ertegi siýjetiniń basty maqsaty - «dostardy qaiǵyda tastamaý kerektigin», kerisinshe kómekke kelý kerek ekenin kórsetý.
21 qyrkúiekte A. Tolstoidyń áńgimesi negizinde «Altyn kilt nemese Býratinonyń hikaialary» atty qoiylym Jas Sahna teatry sahnasynda ótedi.
Spektakl keiipkerlerimen birge dostar taýyp, zulym Qarabasqa qarsy jeńiske jetip, teatr álemine aparar siqyrly esikti ashasyzdar!
21 qyrkúiekte Nodar Dambadzeniń «Men, ájem, Iliko jáne Illarion» atty qoiylymy ótedi. Lirikalyq komediia janryndaǵy spektakl 1 saǵat 50 minýt bolady.
Ájesi men Iliko jáne Illarion esimdi kórshi atalardyń tárbieliginde ósip kele jatqan Zýrikonyń eseiý hikaiasy muńmen úilese júretin meiirimdi ázildermen kómkerilgen, al shattyq kúlkisi kenetten kóz jasqa ainalady... Al emotsiialardyń tolysý sátinde keiipkerler keremet grýzin ánderiniń tiline kóshedi!
M. Áýezov atyndaǵy Qazaq ulttyq drama teatry
M. Áýezov atyndaǵy Qazaq ulttyq drama teatry ǵimaraty kúrdeli jóndeýge jabyldy, biraq ulttyq óner ordasy óziniń súiikti kórermeninen qol úzbek emes. Teatr ujymy Almaty qalasynyń túrli sahnalarynda óner kórsetip, respýblika ishinde jáne shetelderge gastroldik saparlarmen shyǵýda.
