11 qazan kúni 92-shi teatr maýsymynyń ashylýyna orai saǵ. 16.30 da press-konferentsiia, saǵ.17.00 de akterlerdiń saltanatty sherýi jáne Elbasy N.Á.Nazarbaevtyń «Rýhani jańǵyrý» baǵdarlamasynyń jáne uly jazýshy M.Áýezovtiń 120 jyldyǵy aiasynda «Teatr álemindegi rýhani jańǵyrý» atty Almaty qalasyndaǵy 8 teatrdyń basyn qosqan kórme (ashylýy 17.30 da) ótedi.
Elbasy N.Á.Nazarbaevtyń «Rýhani jańǵyrý» baǵdarlamasy jáne uly jazýshy M.Áýezovtiń 120 jyldyǵy aiasynda uiymdastyrylǵan kórmeniń maqsaty – óskeleń urpaqqa, teatr ónerine qyzyǵatyn izdenýshilerge, jalpy ónersúigish qaýymǵa qazaq óneriniń qara shańyraǵy, 92 jyldyq tarihy bar M.Áýezov atyndaǵy Qazaq Memlekettik akademiialyq drama teatrynyń qurylǵan kezeńinen bastap búgingi kúnge deiingi óner shejiresinen syr shertip jáne Almaty qalasynda ornalasqan mádeni ordalardyń basyn qosý arqyly olardyń tarihyn bir arnada toǵystyryp, teatr mýzeiiniń tynys-tirshiliginen habar bere otyryp, mol mura, qundy jádigerleri týraly mol maǵlumat berý.
Teatrlardyń tarihy bir arnada toǵysatyn kórmeden qoiylymdardyń afishalary, fotosýretter, maily boiaýmen salynǵan portretter, akterlerdiń ár jyldary ártúrli spektaklderde kigen sahnalyq kostiýmderi, óner maitalmandarynyń jeke zattary, qoljazbalar, teatr qairatkerleriniń kúndelikteri, ár kezeńdegi teatr ómiri jáne akterler jaily aqparattar, maqalalar, zertteýler, qundy jádigerler oryn tabady.
Kórmege qazaq óneriniń qarashańyraǵy – M.Áýezov atyndaǵy Qazaq Memlekettik akademiialyq drama teatry, Abai atyndaǵy Qazaq Memlekettik akademiialyq opera jáne balet teatry, Ǵabit Músirepov atyndaǵy Qazaq Memlekettik akademiialyq balalar men jasóspirimder teatry, Respýblikalyq nemis drama teatry, Memlekettik Respýblikalyq korei mýzykalyq komediia teatry, N.Sats atyndaǵy Memlekettik orys balalar men jasóspirimder teatry, Q.Qojamiarov atyndaǵy uiǵyr mýzykalyq komediia teatry jáne M.Iu. Lermontov atyndaǵy Memlekettik akademiialyq orys drama teatrynyń qundy jádigerleri qoiylady.
Teatr mýzeileri – teatr jáne kino óneriniń uly qairatkerleriniń, ár jyldardaǵy akterler men teatr qyzmetkerleriniń óner shańyraǵyndaǵy ómirimen, ónerimen, aiaýly sátterimen qaita qaýyshtyratyn orda. Teatrdyń qurylǵan kezeńinen bastap, qazirgi betalysy, hal-ahýalynan habar beretin kórmeler, óskeleń urpaqtyń sanasyna silkinis berip, tarih týraly mol maǵlumat alýyna, sondai-aq, ótkenniń estelikterin umytpai, alǵa nyq senimmen aiaq basýyna áser etedi. Elbasy aitqan «rýhani jańǵyrýǵa» teatr, mýzei syndy mádeni ordalardyń qosar úlesin eseptesek, ótkiziletin bul kórme mańyzdy rol atqarady.
Gúlziia Sádýaqasova
