Tájikstannyń Sailaý jáne referendým jónindegi ortalyq komissiiasynyń (SROK) tóraǵasy Bahtier Hýdoiorzoda 11 qazanda ótken prezident sailaýynyń qazirgi nátijesin jariialady, dep habarlaidy Hovar agenttigi.
Bahtier Hýdoiorzodanyń aitýynsha, Tájikstan táýelsiz kásipodaqtar Federatsiiasy, Tájikstan Jastar Odaǵy jáne Tájikstan Halyqtyq Demokratiialyq partiiasy atynan Tájikstan Respýblikasynyń Prezidenti laýazymyna kandidat Emomali Rahmon 90,92% daýys jinap, Tájikstan Respýblikasynyń Prezidenti bolyp sailandy.
SROK-tyń málimeti boiynsha Tájikstanda 68 sailaý okrýgi, el ishinde 3375, shetelde 39 sailaý ýchaskesi quryldy. Sailaýshylardyń sany 4 943 289 adam. Alǵashqy bop daýys bergender sany — 105 399 adam.
«Daýystardy esepteýdiń aldyn-ala nátijesi boiynsha 2020 jylǵy 11 qazandaǵy Tájikstan Respýblikasynyń Prezidentin sailaýǵa 4 221 076 sailaýshy, iaǵni sailaýshylardyń 85,39%-y qatysty», - dep atap ótti SROK tóraǵasy Bahtier Hýdoiorzoda.
SROK-tyń málimeti boiynsha Tájikstannyń agrarlyq partiiasynan kandidat Rýstam Latifzod 3,03%, Tájikstannyń ekonomikalyq reformalar partiiasynan kandidat Rýstam Rahmatzod 2,15%, Tájikstan Kompartiiasynan kandidat Miroj Abdýlloev 1,17%, Tájikstan Sotsialistik partiiasynan kandidat Ábdýhalim Gafforov 1,49%, Tájikstan Táýelsiz kásipodaqtar federatsiiasynyń, Tájikstan jastar odaǵynyń jáne Tájikstan halyqtyq Demokratiialyq partiiasynan kandidat Emomali Rahmon 90,92% daýys jinaǵan.
