Tájikstan Respýblikasynyń zańnamasyna «Qashyqtan jumys isteý» uǵymy engiziledi, dep habarlaidy "Ult aqparat" Tájikstannyń «Hovar» ulttyq aqparat agenttigine silteme jasap.
19 qazanda Tájikstannyń Madjlisi namoiandagon Madjlisi Oli (parlamenttiń tómengi palatasy) keńesiniń kezekti otyrysy ótip, depýtattar «Halyqty jumyspen qamtýǵa járdemdesý týraly» zańǵa túzetýler engizdi. Onda zańǵa «Qashyqtan jumys isteý» uǵymyn engizý týraly sheshim qabyldandy.
Osynyń negizinde «Halyqty jumyspen qamtýǵa járdemdesý týraly» zańynyń 1-babyna jumys protsesinde aqparattyq-kommýnikatsiialyq tehnologiialardy paidalana otyryp, eńbekker jumys ornynan tys jerde qyzmet atqarýǵa bolatynyn retteitin jańa abzats qosyldy.
Túzetýlerge sáikes, óz qyzmetin qashyqtan júzege asyratyn azamattar jumys ornyna baryp, eńbek etip júrgen qyzmetkerler siiaqty teń quqyqqa ie bolady. Al olardyń jumysyna bailanysty týyndaǵan máseleler Tájikstan Respýblikasynyń Eńbek kodeksimen retteledi.
