تەجٸكستان رەسپۋبليكاسىنىڭ زاڭناماسىنا «قاشىقتان جۇمىس ٸستەۋ» ۇعىمى ەنگٸزٸلەدٸ, دەپ حابارلايدى "ۇلت اقپارات" تەجٸكستاننىڭ «حوۆار» ۇلتتىق اقپارات اگەنتتٸگٸنە سٸلتەمە جاساپ.
19 قازاندا تەجٸكستاننىڭ مادجليسي نامويانداگون مادجليسي ولي (پارلامەنتتٸڭ تٶمەنگٸ پالاتاسى) كەڭەسٸنٸڭ كەزەكتٸ وتىرىسى ٶتٸپ, دەپۋتاتتار «حالىقتى جۇمىسپەن قامتۋعا جەردەمدەسۋ تۋرالى» زاڭعا تٷزەتۋلەر ەنگٸزدٸ. وندا زاڭعا «قاشىقتان جۇمىس ٸستەۋ» ۇعىمىن ەنگٸزۋ تۋرالى شەشٸم قابىلداندى.
وسىنىڭ نەگٸزٸندە «حالىقتى جۇمىسپەن قامتۋعا جەردەمدەسۋ تۋرالى» زاڭىنىڭ 1-بابىنا جۇمىس پروتسەسٸندە اقپاراتتىق-كوممۋنيكاتسييالىق تەحنولوگييالاردى پايدالانا وتىرىپ, ەڭبەككەر جۇمىس ورنىنان تىس جەردە قىزمەت اتقارۋعا بولاتىنىن رەتتەيتٸن جاڭا ابزاتس قوسىلدى.
تٷزەتۋلەرگە سەيكەس, ٶز قىزمەتٸن قاشىقتان جٷزەگە اسىراتىن ازاماتتار جۇمىس ورنىنا بارىپ, ەڭبەك ەتٸپ جٷرگەن قىزمەتكەرلەر سيياقتى تەڭ قۇقىققا يە بولادى. ال ولاردىڭ جۇمىسىنا بايلانىستى تۋىنداعان مەسەلەلەر تەجٸكستان رەسپۋبليكاسىنىڭ ەڭبەك كودەكسٸمەن رەتتەلەدٸ.
