1 mamyr kúni Qyrǵyz Respýblikasynyń Batken qalasynda Qyrǵyzstannyń Memlekettik ulttyq qaýipsizdik komitetiniń Tóraǵasy K.Tashiev pen Tájikstannyń Memlekettik ulttyq qaýipsizdik komitetiniń Tóraǵasy S. Iatimovtyń basshylyǵymen eki eldiń shekarasyn delimitatsiialaý jáne demarkatsiialaý boiynsha Úkimettik delegatsiialardyń kezekti otyrysy boldy, dep habarlaidy "Ult aqparat" Hovar agenttigine silteme jasap.
Shekaralas aimaqtaǵy jaǵdaidy talqylaý barysynda qos tarap ta bolǵan jaiǵa ókinish bildirip, qaza tapqan azamattardyń týǵan-týystaryna kóńil aitty. Osyndai jaǵdaidyń qatalanýyna jol bermeý kerektigi aityldy.
Eki tarap ta dereý áskeri tehnikalardy olardyń turaqty ornyna qaitarýǵa ýaǵdalasty.
Hovar agenttiginiń málimdeýinshe, kezdesý barysynda tájik-qyrǵyz memlekettik shekarasyn delimitatsiialaý jáne demarkatsiialaý boiynsha pikir almasý boldy. Topografiialyq jumys toptaryna jaqyn arada qalǵan ýchaskelerdegi memlekettik shekarany túsirýge kirisý tapsyryldy.
Kabar agenttiginiń málimetinshe, qos tarap eki baýyrlas halyqtyń kóne tarihyna kóz júgirte otyryp, aradaǵy qalǵan shekaraǵa qatysty máseleni sheshýde bir-birine túsinýshilik jáne senim tanytýǵa daiyn ekendikterin aiqyn bildirdi.
Keiin Qyrǵyzstannyń Batken oblysy Batken aýdanynyń «Golovnoi» eldi mekeninde jaǵdai shielenise túskeni, el azamattary Isfara-Vorýh tasjolyn jaýyp tastaǵany habarlandy.
Osy kúni Qyrǵyzstan men Tájikstan saǵat 20:00-den bastap atysty toqtatý týraly kelisimge keldi.
