1 مامىر كٷنٸ قىرعىز رەسپۋبليكاسىنىڭ باتكەن قالاسىندا قىرعىزستاننىڭ مەملەكەتتٸك ۇلتتىق قاۋٸپسٸزدٸك كوميتەتٸنٸڭ تٶراعاسى ك.تاشيەۆ پەن تەجٸكستاننىڭ مەملەكەتتٸك ۇلتتىق قاۋٸپسٸزدٸك كوميتەتٸنٸڭ تٶراعاسى س. ياتيموۆتىڭ باسشىلىعىمەن ەكٸ ەلدٸڭ شەكاراسىن دەليميتاتسييالاۋ جەنە دەماركاتسييالاۋ بويىنشا ٷكٸمەتتٸك دەلەگاتسييالاردىڭ كەزەكتٸ وتىرىسى بولدى, دەپ حابارلايدى "ۇلت اقپارات" حوۆار اگەنتتٸگٸنە سٸلتەمە جاساپ.
شەكارالاس ايماقتاعى جاعدايدى تالقىلاۋ بارىسىندا قوس تاراپ تا بولعان جايعا ٶكٸنٸش بٸلدٸرٸپ, قازا تاپقان ازاماتتاردىڭ تۋعان-تۋىستارىنا كٶڭٸل ايتتى. وسىنداي جاعدايدىڭ قاتالانۋىنا جول بەرمەۋ كەرەكتٸگٸ ايتىلدى.
ەكٸ تاراپ تا دەرەۋ ەسكەري تەحنيكالاردى ولاردىڭ تۇراقتى ورنىنا قايتارۋعا ۋاعدالاستى.
حوۆار اگەنتتٸگٸنٸڭ مەلٸمدەۋٸنشە, كەزدەسۋ بارىسىندا تەجٸك-قىرعىز مەملەكەتتٸك شەكاراسىن دەليميتاتسييالاۋ جەنە دەماركاتسييالاۋ بويىنشا پٸكٸر الماسۋ بولدى. توپوگرافييالىق جۇمىس توپتارىنا جاقىن ارادا قالعان ۋچاسكەلەردەگٸ مەملەكەتتٸك شەكارانى تٷسٸرۋگە كٸرٸسۋ تاپسىرىلدى.
كابار اگەنتتٸگٸنٸڭ مەلٸمەتٸنشە, قوس تاراپ ەكٸ باۋىرلاس حالىقتىڭ كٶنە تاريحىنا كٶز جٷگٸرتە وتىرىپ, اراداعى قالعان شەكاراعا قاتىستى مەسەلەنٸ شەشۋدە بٸر-بٸرٸنە تٷسٸنۋشٸلٸك جەنە سەنٸم تانىتۋعا دايىن ەكەندٸكتەرٸن ايقىن بٸلدٸردٸ.
كەيٸن قىرعىزستاننىڭ باتكەن وبلىسى باتكەن اۋدانىنىڭ «گولوۆنوي» ەلدٸ مەكەنٸندە جاعداي شيەلەنٸسە تٷسكەنٸ, ەل ازاماتتارى يسفارا-ۆورۋح تاسجولىن جاۋىپ تاستاعانى حابارلاندى.
وسى كٷنٸ قىرعىزستان مەن تەجٸكستان ساعات 20:00-دەن باستاپ اتىستى توقتاتۋ تۋرالى كەلٸسٸمگە كەلدٸ.
