Memleket basshysy Qasym-Jomart Toqaevtyń atyna Arys qalasynda bolǵan qaiǵyly oqiǵaǵa bailanysty Tájikstan Respýblikasynyń Prezidenti Emomali Rahmonnyń kóńil aitý jedelhaty kelip tústi, dep habarlaidy "Ult aqparat" Aqordanyń baspasóz qyzmetine silteme jasap.
«Edáýir shyǵynǵa jáne kisi ólimine ákelgen Arys qalasynda bolǵan jarylys týraly aqparatty kúizelispen qabyldadym. Ózimniń jáne tájik halqynyń atynan Sizge jáne qaza bolǵandardyń jaqyndary men týystaryna kóńil aitamyn. Zardap shekkenderdiń tezirek saýyǵyp, otbasylaryna aman-esen oralýyna tilektestik bildiremin», - delingen jedelhatta.
Tájikstan Prezidenti Qazaqstan Úkimetiniń shuǵyl qabyldaǵan sharalaryna toqtalyp, qazaqstandyq jasaqtardyń evakýatsiia jáne qaiǵyly oqiǵanyń saldaryn joiý kezindegi jankeshti jumystaryn erekshe atap ótti.
