Qyzylorda men Túrkistan oblystaryna Tájikstannan qosymsha 300 mln tekshe metrden astam sýarmaly sý keletin bolady. Mundai ýaǵdalastyqqa qos eldiń sala ministrleriniń kezdesýinde qol jetkizildi, dep habarlaidy "Ult aqparat".
«Biylǵy jyly Syrdariia ózeniniń basseinindegi sý tapshylyǵyna bailanysty kúrdeli sý jaǵdaiy qalyptasty. Osyǵan orai QR Ekologiia, geologiia jáne tabiǵi resýrstar ministri Maǵzum Myrzaǵaliev Dýshanbe qalasynda Tájikstannyń Energetika jáne sý resýrstary ministri D.Djýmamen kezdesti. Onyń barysynda tájik tarapymen «Bahri Tochik» sý qoimasynan biylǵy jylǵy maýsym-tamyz aralyǵynda 315 mln tekshe metr sýdy qosymsha aǵyzý týraly ýaǵdalastyqqa qol jetkizildi», - delingen ministrlik aqparatynda.
Málim etilgendei, bul kólem Túrkistan jáne Qyzylorda oblystarynda vegetatsiialyq kezeńde sýarmaly sý tapshylyǵyn tómendetýge múmkindik beredi.
«Túrkistan jáne Qyzylorda oblystarynyń qajettilikteri úshin Syrdariia ózeni basseinindegi sý jaǵdaiynyń qiyndyǵyn eskere otyryp, tájik tarapy Qyrǵyzstan Respýblikasy Toqtoǵul sý qoimasynan aǵyzatyn sý kóleminen basqa, maýsymnan tamyzǵa deiin «Bahri Tochik» sý qoimasynan qosymsha 315 mln m3 sý jetkizýge kelisti.
Qazaqstan óz kezeginde Tájikstanǵa «Bahri Tochik» sý qoimasynyń qosymsha jumys isteýiniń teris saldary týyndaǵan jaǵdaida materialdyq-tehnikalyq qoldaý kórsetedi», - dep atap ótti Maǵzum Myrzaǵaliev.
