Koronavirýs indetine bailanysty qurylǵan Tájikstannyń memlekettik komissiiasy 30 sáýirde elde koronavirýs juqqan keminde 15 adam bar dep málimdedi. Bul týraly Azattyqtyń Tájik qyzmeti habarlady. Memlekettik komissiiaǵa premer-ministr Kohir Rasýlzoda jetekshilik etedi.
Aqparat boiynsha, Tájikstannyń densaýlyq saqtaý jáne halyqty qorǵaý ministrligi 29 sáýirde Hýdjandta - 10, Dýshanbede 5 adamǵa virýs juqqanyn anyqtaǵan.
COVID-19 indeti shyqqan Qytaimen shekaralas Tájikstan basshylyǵy epidemiia bastalǵan ýaqyttan beri alǵash ret koronavirýs baryn moiyndap otyr. Buǵan deiin elde resmi túrde koronavirýs tabylmaǵan. Degenmen elde aýrýhana qyzmetkerleri men basqa da adamdardyń túsiniksiz pnevmoniia men tynys joldary aýrýlarynan kóz jumyp jatqany týraly habar jii tarai bastaǵan.
Ótken aptada halyqaralyq Human Rights Watch (HRW) adam quqyǵyn qorǵaý uiymy koronavirýstyń baryn joqqa shyǵaryp otyrǵan Túrkimenstan men Tájikstan biligi osylaisha azamattarynyń ómirine qaýip tóndirip otyr dep málimdegen.
