كوروناۆيرۋس ٸندەتٸنە بايلانىستى قۇرىلعان تەجٸكستاننىڭ مەملەكەتتٸك كوميسسيياسى 30 سەۋٸردە ەلدە كوروناۆيرۋس جۇققان كەمٸندە 15 ادام بار دەپ مەلٸمدەدٸ. بۇل تۋرالى ازاتتىقتىڭ تەجٸك قىزمەتٸ حابارلادى. مەملەكەتتٸك كوميسسيياعا پرەمەر-مينيستر كوحير راسۋلزودا جەتەكشٸلٸك ەتەدٸ.
اقپارات بويىنشا, تەجٸكستاننىڭ دەنساۋلىق ساقتاۋ جەنە حالىقتى قورعاۋ مينيسترلٸگٸ 29 سەۋٸردە حۋدجاندتا - 10, دۋشانبەدە 5 ادامعا ۆيرۋس جۇققانىن انىقتاعان.
COVID-19 ٸندەتٸ شىققان قىتايمەن شەكارالاس تەجٸكستان باسشىلىعى ەپيدەمييا باستالعان ۋاقىتتان بەرٸ العاش رەت كوروناۆيرۋس بارىن مويىنداپ وتىر. بۇعان دەيٸن ەلدە رەسمي تٷردە كوروناۆيرۋس تابىلماعان. دەگەنمەن ەلدە اۋرۋحانا قىزمەتكەرلەرٸ مەن باسقا دا ادامداردىڭ تٷسٸنٸكسٸز پنەۆمونييا مەن تىنىس جولدارى اۋرۋلارىنان كٶز جۇمىپ جاتقانى تۋرالى حابار جيٸ تاراي باستاعان.
ٶتكەن اپتادا حالىقارالىق Human Rights Watch (HRW) ادام قۇقىعىن قورعاۋ ۇيىمى كوروناۆيرۋستىڭ بارىن جوققا شىعارىپ وتىرعان تٷركٸمەنستان مەن تەجٸكستان بيلٸگٸ وسىلايشا ازاماتتارىنىڭ ٶمٸرٸنە قاۋٸپ تٶندٸرٸپ وتىر دەپ مەلٸمدەگەن.
