Tájikstannyń Ulttyq qaýipsizdik komiteti Aýǵanstanmen shekaralyq jaǵdaidyń kúrdelengenin málim etti. Bul týraly Tájikstannyń Hovar aqparat agenttigi habarlady.
Komitettiń habarlaýynsha, 2021 jyldyń 3 shildesinde saǵat 18:30-da Hohon ýeziniń Ovez aýyly, Shahribýzýrg ýezi jáne Aýǵanstan Islam Respýblikasy Badahshan provintsiiasynyń Rogiston ýezine qarasty Ziraki aýylyndaǵy jaǵdaidyń kúrdelengen.
Atalǵan aýdandardy «Taliban» qozǵalysy tolyq basyp alǵan. Qaqtyǵystar kezinde «Taliban» sondai-aq Hohon ýeziniń «Ovez» shekara komendatýrasyn basyp aldy.
Aýǵanstan Islam Respýblikasy Qarýly kúshteriniń 300-den astam áskeri qyzmetkeri barynsha qarsylyq tanytyp, jeke quramyn saqtap qalý maqsatynda Tájikstan Respýblikasynyń «Istiklo» 5-shi zastavasy men «Sh.Shohin» shekara jasaǵynyń «Sarigor» 6-shy zastavasynyń shekarasynyń arasyndaǵy ýchaske arqyly memlekettik shekaradan ótti.
Tájikstan Respýblikasy shekarashylary izgilik pen tatý kórshilik printsipterin basshylyqqa ala otyryp, sheginip otyrǵan aýǵandyq áskerilerge Tájikstan Respýblikasynyń aýmaǵyna ótýine ruqsat berdi.
Jaǵdai Tájikstan Respýblikasy shekarashylarynyń tolyq baqylaýyna alynǵan.
