Batken oblysynyń Batken aýdanynyń «Golovnoi» eldi mekeninde jaǵdai shielenise túsýde. Buǵan deiin Qyrǵyzstan azamattary Isfara-Vorýh tasjolyn jaýyp tastaǵan bolatyn, dep habarlaidy Kabar agenttigi.
Saǵat 14:05-te taraptardyń áskeri bólimsheleri arasynda «Golovnoi» eldi mekeninde atys bastaldy. Atys barysynda beibit turǵyndar men Qyrǵyzstan Respýblikasynyń áskeri qyzmetshileri jaraqat aldy.
Odan ári saǵat 17:00-de tájikter jaǵy «Qapshaǵai», «Min-bulaq», «Dostýk» shekara zastavalaryna, sondai-aq «Qojogar» jáne «Bulaq-Bashi» shekara beketterine oq jaýdyrdy. Minometten oq atýdyń saldarynan Batken shekara otriadynyń «Dostýk» shekara zastavasynyń ǵimaraty órtendi.
Tájik qaýipsizdik kúshteriniń áreketine jaýap retinde Qyrǵyzstan Respýblikasynyń Memlekettik ulttyq qaýipsizdik komitetiniń Shekara qyzmeti «Borý» arnaiy maqsattaǵy jasaǵy Tájikstan Respýblikasynyń «Hodja Allo» shekara zastavasyn basyp aldy.
Qyrǵyz-tájik memlekettik shekarasynyń barlyq perimetri boiynsha eki jaqtan qosymsha kúshter men quraldar tartylyp jatyr.
