QR Premer-Ministriniń orynbasary Roman Skliar Atyraý oblysy Qyzylqoǵa aýdanyndaǵy «Taisoiǵan» poligonynyń bir bóligin Qazaqstan ielegine qaitarý týraly depýtattyq saýalǵa jaýap berdi, dep habarlaidy QazAqparat.
«2016 jyldyń 22 aqpanynda synaq poligondaryn paidalaný jáne jaldaý týraly shart ratifikatsiialandy. Shart boiynsha Resei Federatsiiasynyń Qorǵanys Ministrligi jalǵa alǵan «Taisoiǵan – №929 memlekettik ushý synaq ortalyǵy» poligonynyń soltústik bóligi qaitadan Qazaqstannyń iýrisdiktsiiasyna ótti. Atyraý oblysynyń Qyzylqoǵa aýdanynda reseilik áskeriler 749,6 myń gektar jer jerdi jaldaý shartymen paidalanyp kelgen», - dep jazdy Roman Skliar óz jaýabynda.
Onyń aitýynsha, atalǵan 624,6 myń gektar jer ( oligonnyń 83,3% aýmaǵy) o bastaǵy ýaǵdalastyq sharty boiynsha qaitarylǵan.
«Taisoiǵan áskeri poligonynyń jeri Qazaqstan aýmaqtyq quramyna oqatstarylǵannan keiin Atyraý oblysynda eki jyl boiy topyraq pen sýda qaýipti zattardyń bolýyna zertteýler júrgizildi. Zertteý qorytyndysy boiynsha qaitarylǵan 624,6 myń gektar jerdiń ekologiialyq qaýipsiz jáne aýyl sharýashylyǵyn júrgizýge jaramdy ekeni belgili boldy», - dep atap ótti vitse-premer.
Sondai-aq, ol depýtattyq saýalǵa bergen jaýabynda 2022 jyly Atyraý oblysynyń áleýmettik-ekonomikalyq damýynyń 2021-2025 jyldarǵa arnalǵan keshendi jospary aiasynda Taisoiǵan ken ornynda jobalyq-smetalyq qujattama ázirleý jáne izdestirý-barlaý jumystaryn júrgizý qarastyrylǵanyn aitady.
