Tailand parlamentiniń tómengi palatasy birjynysty nekeni zańdy túrde taný týraly zań jobasyn maquldady. Bul týraly VVS jazdy.
Zań jobasyn Tailand Senaty men koroli áli de maquldaýy kerek. Biraq zań bul kezeńderden ótip, jyl sońyna qarai Tailand Ońtústik-Shyǵys Aziiadaǵy birjynysty odaqtardy moiyndaǵan birinshi el bolady dep josparlanyp otyr.
«Bul – teńdiktiń bastaýy. Atalǵan zań osy toptaǵy adamdarǵa bul quqyqtardy syilaýdy emes, qaitarýdy qalaidy», - dedi zań jobasyn palataǵa engizip jatqan depýtat Danýphorn Pýnnakanta.
Zań jobasyn qabyldaýǵa qatysqan 415 depýtattyń 400-i daýys berdi.
Zań mundai nekeni burynǵydai er men áieldiń emes, eki adamnyń seriktestigi dep anyqtaidy. Birjynysty juptar erli-zaiyptylarǵa beriletin salyq jeńildikterin paidalanýǵa, bir-biriniń múlkin muragerlikke alýǵa jáne erli-zaiyptylardyń biri esinen tanyp qalǵan jaǵdaida ony emdeýge kelisim berýge quqyly bolady.
Sondai-aq birjynysty erli-zaiyptylar bala asyrap ala alady. Alaida, depýtattar tiisti komitettiń «áke men ana» degen sózdiń ornyna «ata-ana» terminin qoldaný týraly usynysyn qabyldaǵan joq.
