Foto: QR SIM
Qazaqstan Taiaý Shyǵys aimaǵynan azamattaryn evakýatsiialaý úshin shamamen 4 million dollar qarjy jumsady. Bul týraly Kólik ministri Nurlan Saýranbaev úkimettegi brifingte málimdedi.
Alǵashqy jospar boiynsha evakýatsiia 4 myń adamdy qamtýy tiis bolsa, keiingi derekterge sáikes, Taiaý Shyǵystan elge qaitarylǵan qazaqstandyqtardyń sany 10 myńnan asty.
Ministrdiń aitýynsha, bólingen qarajattyń bir bóligi áýe kompaniialarynyń shyǵyndaryn óteýge baǵyttalǵan. Sebebi birqatar azamattardyń keri qaitý biletteri bolǵanymen, jaǵdaiǵa bailanysty qosymsha shyǵyndardy memleket kóterýge májbúr bolǵan.
Sonymen qatar qarajat Dýbaidan jáne ózge de tranzittik elderden azamattardy evakýatsiialaý shyǵyndaryn jabýǵa, sondai-aq saqtandyrý jaǵdailaryna bailanysty qosymsha tólemderge jumsalǵan.
Jalpy alǵanda, barlyq operatsiianyń quny shamamen 4 million dollardy qurady.
