Jaramdylyq merzimi maýsym aiynyń sońynda aiaqtalatyn jarty million Pfizer vaktsinasy bar. Bul týraly QR Densaýlyq saqtaý ministri Ajar Ǵiniiat aitty, dep habarlaidy QazAqparat.
«Búginde elimizde Pfizer vaktsinasynyń qory 1 mln dozany quraidy. Merzimine qatysty aitar bolsam, jarty million vaktsinanyń jaramdylyq merzimi maýsym aiynyń sońynda aiaqtalady», - dedi Ajar Ǵiniiat Ortalyq kommýnikatsiialar qyzmetinde ótken baspasóz máslihatynda BAQ ókilderiniń saýalyna orai.
Sonymen qatar el turǵyndardy revaktsinatsiialaý qalai júrgizilip jatqanyn aitty.
«Búginde turǵyndar shyn qalaýymen vaktsinatsiiaǵa jáne revaktsinatsiiaǵa baryp jatyr. Táýligine shamamen 15 myń adam ekpe alady. Sondyqtan Pfizer vaktsinasymen ekpe jasaý josparǵa sai júrgizilip jatyr», - dedi ol.
Ajar Ǵiniiat elimizde jaramdylyq merzimi bitýge jaqyn vaktsinanyń nelikten kóp qalǵanyn da túsindirip ótti.
«Pfizer vaktsinasy bastapqyda bizde bar vaktsina túrlerin eskere otyryp, balalar men júkti áielderge satyp alynǵan bolatyn. Búginde vaktsinalaýǵa jatatyn júkti áielderdiń ne bári 30 paiyzy ǵana ekpe aldy. Sondyqtan qalǵan vaktsina el turǵyndaryna salynyp jatyr», - dep túsindirdi ministr.
