Táýelsizdik jyldarynda 1,6 millionnan astam qazaqstandyq jańa baspanaǵa ie bolǵan, dep habarlaidy "Ult aqparat".
Bul týraly Indýstriia jáne infraqurylymdyq damý birinshi vitse-ministri Qaiyrbek Óskenbaev ortalyq kommýnikatsiialar qyzmetinde aitty.
«Ózderińiz biletindei, biyl Qazaqstan Táýelsizdiginiń 30 jyldyǵyn atap ótýde. Táýelsizdik jyldarynda elimiz túrli salalarda sonyń ishinde qurylys jáne turǵyn úi-kommýnaldyq sharýashylyq salasynda aitarlyqtai tabystarǵa qol jetkizdi. Osy ýaqyt aralyǵynda 170 mln. sharshy metrden astam jańa turǵyn úi salynyp, 1,6 millionnan astam azamattarymyz baspanamen qamtamasyz etildi», - dedi ministrlik ókili.
Onyń aitýynsha, 2020 jyly osy úrdis jalǵasyp, 140 myńnan astam baspana berilgen.
«Byltyr respýblika boiynsha 15,3 mln. sharshy metr turǵyn úi salyndy. Bul 2019 jylmen salystyrǵanda 16,8% kóp. Iaǵni, 140 myńnan astam turǵynjai paidalanýǵa berildi. Turǵyn úi qurylysyna investitsiialar 2019 jylmen salystyrǵanda 33,6% - ǵa ósip, 2 trln teńgeni qurady. Memlekettik qarajattyń 1 teńgesine 5 teńge jeke investitsiialar tartyldy. 38,4 myń otbasyna áleýmettik turǵyn úi jáne jeńildetilgen qaryzdar túrinde memlekettik qoldaý kórsetildi», - dedi Qaiyrbek Óskenbaev.
