Táýelsizdik kúni qarsańynda elordanyń 3 kórikti jerinde otshashý bolady.
Bul aqparatty Nur-Sultan qalasy ákimdiginiń baspasóz qyzmeti rastady, dep habarlaidy QazAqparat.
«QR Táýelsizdik kúnin merekeleý aiasynda 15 jeltoqsanda demeýshilerdiń qarajaty esebinen merekelik saliýt qoiylady. Otshashý keshki saǵat 21.00-de 3 jerde bolady:
1. Botanikalyq baq;
2. Atyraý kópirinen soltústikke qarai Esil ózeniniń sol jaǵalaýy;
3. Aqbulaq ózeniniń soltústik jaǵy (Pýshkin kóshesi men Abylai han dańǵylynyń qiylysy)», - dep jazylǵan baspasóz qyzmeti bergen málimette.
Aita keteiik, osy aptada elordanyń mádeniet mekemeleri Táýelsizdiktiń 30 jyldyǵyna orai 40-tan astam túrli is-shara ótkizedi.
Óner ujymdarynan bólek elorda kitaphanalary kórmeler men tarih saǵattaryn, onlain-sýretter baiqaýyn, aqyndar saiysyn ótkizedi. Barlyq josparlanǵan is-sharalar sanitarlyq normalar men karantin talaptaryn qatań saqtai otyryp júrgiziledi.a
