Qazaqstan Táýelsizdiktiń 30 jyldyǵyn merekeleý jónindegi jalpy respýblikalyq is-sharalar jospary bekitildi. Bul týraly Mádeniet jáne sport ministri Aqtoty Raiymqulova aityp berdi, dep habarlaidy QazAqparat.
«Táýelsizdiktiń 30 jyldyǵyn merekeleý jónindegi jalpy respýblikalyq is-sharalar jospary bekitildi. Memleket basshysy Táýelsizdiktiń 30 jyldyǵyn merekeleý kezinde ysyrapshyldyqqa jol bermeý kerektigin, árbir is-shara elge paida ákeletin naqty qadamdarmen bailanysty bolýy tiis ekenin atap ótkenin bilesizder. Osyǵan bailanysty, merekeleýge ideologiialyq turǵydan kelýimiz kerek. Mereitoilyq is-sharalardy mádeniet, arhiv, sport jáne týrizm infraqurylymyn damytýǵa baǵyttaǵanymyz jón. Jospardyń is-sharalary ulttyq mádenietti ilgeriletýge, salt-dástúrdi jandandyrýǵa, salaýatty ómir saltyn nasihattaýǵa, buqaralyq sportty, onyń ishinde ulttyq sport túrlerin damytýǵa baǵdarlanýy tiis», - dedi Aqtoty Raiymqulova ministrliktiń alqa májilisinde.
.jpeg)