Nur-Sultan qalasy ákimdiginiń uiymdastyrýymen el Táýelsizdiginiń 30 jyldyǵy aiasynda «Táýelsiz Qazaqstan: jasampazdyqqa toly jyldar. Nur-Sultan qalasynyń basty jetistikteri» taqyrybynda dóńgelek ústel ótti, dep habarlaidy elorda ákimdiginiń resmi saity.
Nur-Sultan qalasy ákiminiń orynbasary Ashat Oralovtyń tóraǵalyǵymen ótken dóńgelek ústelge Qazaqstan Respýblikasynyń Memlekettik Eltańba avtory Jandarbek Málibekov, L.N.Gýmilev atyndaǵy Eýraziia ulttyq ýniversitetiniń professory, filologiia ǵylymdarynyń doktory, alashtanýshy Dihan Qamzabekuly, filologiia ǵylymdarynyń doktory Serik Negimov jáne ózge de ziialy qaýym ókilderi, tarihshylar, ǵalymdar, saiasattanýshylar, qoǵam qairatkerleri, úkimettik emes uiymdar, jastar qatysty.
Jiyndy júrgizgen Nur-Sultan qalasy ákiminiń orynbasary Ashat Oralov sóz basynda el astanasyn Saryarqa tórine kóshirý Tuńǵysh Prezident – Elbasy Nursultan Nazarbaevtyń úlken strategiialyq sheshimi ekenin airyqsha atap ótti.
«Qasterli Táýelsizdigimizdiń 30 jylyndaǵy ótken árbir on jyldyq atqarǵan missiiasy turǵysynan ǵasyrdyń júgin arqalap tur. Alǵashqy on jyldyq egemen Qazaqstannyń óz derbestigin qalyptastyrý kezeńi boldy. Ekinshi on jyldyqta elimiz tuǵyryn nyqtap, keregesin keńeitip, irgesin bekitti. Úshinshi on jyldyqta memleketimiz shyn máninde kemeline kelip, álemdik saiasattyń tórine ozdy. Onyń árqaisysynda, árbir jetistigimizde Elbasy Nursultan Ábishuly Nazarbaevtyń qoltańbasy jatyr.
Óz kezeginde Memleket basshysy atalǵan Joldaýda «Egemendik degenimiz – jalań uran men jalyndy sóz emes. Biz úshin eń mańyzdysy – ár azamattyń Táýelsizdik igiligin sezine alýy. Onyń basty kórinisi – eldegi beibit ómir, qoǵamdaǵy turaqtylyq pen tynyshtyq. Sondai-aq, halyqtyń turmys sapasynyń jaqsarýy jáne jastardyń bolashaqqa nyq senimmen qaraýy» dep erekshe atap kórsetti», - dedi ákim orynbasary.
Nur-Sultan – saiasi oqiǵalardyń ǵana emes bilim-ǵylym men mádeniettiń ordasyna ainalyp otyr. Búginge deiin kóz ilespes jyldamdyqpen damyp, elimizdiń eńseli elordasyna ainaldy.
«Táýelsizdigimizdiń 30 jyldyǵy aiaqtalyp, jańa 30 jylǵa qadam basqaly otyrmyz. Elbasymyz da, Prezidentimiz de óz Joldaýlarynda aldymen el birligin, tynyshtyǵyn, áleýmettik jaǵdaiyn, elordamyzdyń damýyn birinshi kezekte qozǵaidy. Tuńǵysh Prezidentimiz Eltańbamyzdy qabyldar tusta elimizdiń, elordamyzdyń damityn óz joly bar ekenin aityp ótken. Osy 30 jylda shynymen óz jolymyzben damyp, dúni júzine tanymal bolyp kelemiz», – dedi Jandarbek Málibek.
Táýelsizdiktiń 30 jyl ishinde Qazaqstan kóptegen qiyndyqtardy, syndarly sátterdi eńserip, álemge tanylǵan mereili memleketke ainaldy. Al Nur-Sultan qalasy álemge tanylǵan memlekettiń simvolyna ainalyp otyr.
Ǵalym sózin jalǵai otyryp, rýhani jańǵyrý aiasynda atqarylǵan sharýalardyń, olardyń bas qalanyń damýy jolyndaǵy artyqshylyqtaryna keńinen toqtalyp ótti.
«Táýelsizdiktiń 30 jyldaǵy jasampaz egemendiktiń basty simvoly týraly oilasaq elimizdiń bas qalasy – Nur-Sultan qalasy oiymyzǵa oralady. Ol zańdy da. Sebebi halyqaralyq sarapshylardyń ózi sonaý egemendiktiń alǵashqy jyldary órkenietti ózgerýdiń jańa syndary, qaýip-qaterleri turǵanda, jańa memleket qurylyp jatqan kezde Elbasynyń bastaýymen elordamyzdyń Almatydan Arqa tórine qonys aýdarýyn úlken modernizatsiialyq joba retinde baǵalaidy. Ótken ǵasyrdyń sońy men osy ǵasyrǵa qarasaq jańa astana salyp, úlken ekonomikalyq, geosaiasi ózgeris jasaǵan memeleketter joqtyń qasy. Jańa memleket, jańa júie qurý kezinde Tuńǵysh Prezident – Elbasy Nursultan Ábishuly Nazarbaev 32 kriteriige jaýap beretin jańa astanany qurý týraly usynys bildirdi. Mine 30 jyldan keiin sol ózgeristiń jeńisti, jemisti bolǵanyn kórip otyrmyz», – dedi «Habar» Agenttigi» aktsionerlik qoǵamynyń Basqarma tóraǵasynyń birinshi orynbasary Rinat Kertaev.
«Búginge deiin úlken jetistikterge jettik. Elordamyz álemge tanyldy. Qazir qaida barsaq ta elordamyzben maqtanamyz. Nur-Sultan – bilim, beibit, innovatsiia ordasyna ainalyp otyr. Onyń bári birligimizdiń arqasy dep senimmen aita alamyn. Birligimizdiń negizi – Elbasymyzdyń júzege asyrǵan saiasaty. Osy saiasattyń nátijesinde qanshama ult, ulys birlesip, bir shańyraq astynda tatý-tátti ómir súrip keledi. Tuńǵysh Prezidentimizge qashanda alǵysymyz sheksiz», – dedi Qazaqstan halqy assambleiasy ózbek mádeni ortalyǵynyń tóraǵasy Sherzod Pýlatov.
Jiyn sońynda qatysýshylar elordanyń búgingi tańdaǵy damýyn talqylap, elimizdiń Táýelsizdik jyldaryndaǵy kóptegen jetistikteri Nur-Sultan qalasymen bailanysty ekenin atap ótti.
Aita keteiik, alqaly jiyn sanitarlyq talaptardy tolyqtai saqtai otyryp ótti.
