Qazaqstan Táýelsizdiginiń 30 jyldyǵy aiasynda jalpyulttyq deńgeide «Qaiyrymdy ister» marafony uiymdastyrylady. Mundai usynysty Volonter jylynyń jabylý rásiminde sóz sóilegen QR Prezidenti Qasym-Jomart Toqaev jasady, dep habarlaidy "Ult aqparat".
«Endi sanaýly kúnnen soń biz Táýelsizdiktiń 30 jyldyǵyna qadam basamyz. Bul – el damýyndaǵy asa mańyzdy beles, tarihi meje. Sondai-aq, jetistigimizdi saralap, bolashaǵymyzdy baǵamdaityn kezeń. Keler jylǵy mereitoilyq is-sharalardyń mazmunyna erekshe mán beremiz. Onyń árqaisysy tereń maǵynaly jáne qoǵam úshin paidaly bolýǵa tiis. Sonymen qatar, óskeleń urpaqqa tálim-tárbie berýi shart. Osyǵan orai jalpyulttyq deńgeide «Qaiyrymdy ister» marafonyn uiymdastyrýdy usynamyn», - dedi Memleket basshysy.
QR Prezidentiniń paiymynsha, bul – bereke-birligimizdi arttyratyn mańyzdy bastama.
«Qazirgidei kúrdeli kezeńde jaqsy ister jasaýǵa mán bergenimiz eldigimizdi nyǵaita túsetini anyq. Bul úshin ult bolyp uiysýdyń mańyzy zor. Barshańyzǵa shynaiy alǵysymdy aitamyn! Barshańyzǵa sáttilik tileimin! Elimiz árqashanda aman, jurtymyz tynysh bolsyn! « dep túiindedi sózin Qasym-Jomart Toqaev.
.jpeg)