Táýelsizdiktiń 30 jyldyǵyna orai Almaty ákimi Baqytjan Saǵyntaev úlken diametrli bolat dánekerlengen qubyrlar shyǵaratyn zaýytty iske qosý rásimine qatysty, dep habarlaidy QazAqparat.
Qala ákimi Baqytjan Saǵyntaev jumysshylar men zaýyt basshylyǵyn kele jatqan Táýelsizdik kúnimen quttyqtady, onyń 30 jyldyq mereitoiy árbir qazaqstandyqtyń júregine qymbat.
Ol eki jyl buryn Indýstrialdy aimaqtyń jumys qaǵidattary ózgergenin eske saldy.
Jobalardy iske asyrý úshin kásipkerler men salalyq odaqtardyń basshylary kiretin qalanyń iskerlik keńesi irikteidi jáne bekitedi.
Diametri 355 mm-den 1420 mm-ge deiingi bolat dánekerlengen qubyrlardy óndirý jobasyn «Asia Steel Pipe Corporation» JShS júzege asyrdy.
Ónim munai, gaz, sý jáne munai ónimderin tasymaldaýǵa arnalǵan. Sonymen qatar qubyrlardy taý-ken, qurylys, himiia ónerkásibi, energetika salalarynda paidalanýǵa bolady. Sondai-aq, kásiporynda korroziiaǵa qarsy jabyndar óndirisi jolǵa qoiylǵan.
Jobanyń quny 33 mlrd teńge. Zaýytta 304 turaqty jumys orny ashyldy. Jobalyq qýattylyǵy – jylyna 100 myń tonna qubyr ónimi. Jobany júzege asyrý úshin Almaty Indýstrialdy aimaǵynda 18,2 ga jer telimi bólindi.
Búginde jalpy somasy 112,7 mlrd teńgege, 2 957 jumys ornyn qurýmen 18 joba iske asyryldy.
