Táýelsizdik jyldary dúniege kelgen daryndy jastarǵa beriletin «Táýelsizdik urpaqtary» granty jyl saiyn taǵaiyndalady, dep habarlaidy QazAqparat.
«Táýelsizdik urpaqtary» granty memlekettik qoldaý maqsatynda elimizdiń talantty jastaryna jyl saiyn taǵaiyndaý josparlanýda. Grant qarajatyn jyl saiyn Qazaqstan Respýblikasynyń Úkimeti belgileidi», - dedi QR Aqparat jáne qoǵamdyq damý ministrligi Jastar jáne otbasy isteri komitetiniń tóraǵasy Shahmardan Baimanov Ortalyq kommýnikatsiialar qyzmetindegi baspasóz máslihatynda.
Úmitkerlerdiń úzdik jobalaryn anyqtaý maqsatynda konkýrstyq komissiia quramy bekitiledi. Komissiia quramy ortalyq atqarýshy organdar men azamattyq qoǵamnyń ókilderi, ǵalymdar jáne grant boiynsha mamandar men sarapshylardan quralǵan.
Jalpy konkýrstyq komissiia eki kezeńnen júzege asyrylady. Birinshi kezeń – 19 shildeden 20 qyrkúiekke deiin ýákiletti organnyń konkýrstyq ótinimderdi qabyldaýy. Ekinshi kezeń – konkýrstyq ótinimderdi baǵalaý jáne konkýrs jeńimpazdardyn anyqtaý.
Konkýrstyq komissiianyń sheshimi baǵalaý paraǵy boiynsha jinalǵan baldardyń sanyn kórsete otyryp, konkýrs qorytyndylary týraly hattamamen rásimdeledi. Konkýrstyq komissiianyń otyrystary ashyqtyq, aiqyndyq qaǵidattarynda ótkiziledi jáne ýákiletti organnyń internet-resýrsy men áleýmettik jelilerdegi resmi akkaýnttarynda onlain-transliatsiia júrgiziledi.
«Mundaǵy biz «Az qujat – kóp ideia» ustanymyn basty nazarǵa alyp otyrmyz. Iaǵni talap etiletin qujattar kólemi sanaýly, bizge tek jańa ideialar qajet. Atap aitsaq, úmitker qujat qabyldaý aiaqtalǵan kezde 14 jasqa tolǵan jáne 29 jastan astaýy tiis. Konkýrstyq ótinimderdi qazaq nemese orys tilderinde tapsyrady.
1) Nysan boiynsha jobanyń sipattamasy;
2) jobanyń beinetanystyrylymy (alpys sekýndtan aspaidy);
3) shyǵystar smetasynyń jobasy;
4) ziiatkerlik menshik týraly málimetter bar bolsa qamtylýǵa tiis», - dep túsindirdi spiker.
Konkýrsty ótkizý týraly tolyq aqparat QR Aqparat jáne qoǵamdyq damý ministrliginiń resmi saitynda (qogam.gov.kz), áleýmettik jelilerdegi resmi akkaýnttarynda keńinen jariialanýda.
Aita keteiik, 19 shildeden 20 qyrkúiekke deiin «Táýelsizdik urpaqtary» grantyna ótinimder qabyldanady.
