Keshtiń taqyryby: «Táýelsizdik dep soǵady júregimiz»
Keshtiń barysy: «Kók týdyń jelbiregeni» áni.
1 - júrgizýshi: Armysyzdar, qurmetti ustazdar, oqýshylar jáne qadirmendi qonaqtar! Búgingi Táýelsizdigimizdiń 23 jyldyǵyna arnalǵan «Táýelsizdik dep soǵady júregimiz» atty merekelik keshimizge qosh keldińizder!
Táýelsizdik - eń basty qundylyǵymyz. Táýelsizdikke qan tógissiz, beibit túrde qol jetkizgennen keiin ǵana elimizdi álemniń órkenietti memleketteriniń qataryna qosa aldyq. 23 jyl ishinde táýelsiz Qazaq elin qalyptastyryp, naryqtyń qiyn ótkelekterinen aman ótkizip kelemiz. Osy kezeńde Qazaqstandy dúnie didaryndaǵy eń myqty memleketter tanityndai, syilaityndai deńgeige jetkizgen tuńǵysh Nursultan Nazarbaevtai kóregen saiasatkerdiń eren eńbegin dál búgin jáne árqashanda aityp ótemiz.
Táýelsizdik kúni elimizdiń barlyq azamattary úshin orny erekshe mereke dep bilemiz, sebebi, osynaý júrekjardy qýanyshqa toly kúndi ata - babalarymyz ǵasyrlar boiy armandap, kútýmen ótti.
2-júrgizýshi:
Armandardy jaqyndatyp tym alys,
Bizdiń jaqqa jetken eken jyly aǵys.
Egemendik - el baqyty, erteńi,
O, halaiyq! Qutty bolsyn qýanysh!
Azat ólkem kúndei kúlgen shyǵystan,
Asyl elim jan - júrekti uǵysqan.
Ata babam ańsap ótken baqytym,
Ainalaiyn, Qazaqstan - Gúlstan!
1 - júrgizýshi:
Keń baitaq, kóz jetpeitin jerim meniń
Taýly orman, jasyl jailaý kólim meniń
Búginde bar álemge dańqyń jetti
Táýelsiz Qazaqstan – elim meniń
2 - júrgizýshi:
Tas edende jatty qazaq balasy,
Aýyrsa da, qyńq etpedi jarasy,
Jaralanǵan jolbarystai, yshqynyp,
Aityp jatty sońǵy sózin ol ashshy!!!......
Qairat atty atym bar,on segizde jasym bar...
Erkek toqty qurbandyq, atam deseń atyńdar!....
Suranbady, jalynbady tik turdy,
Barlyq jendet qoryqty odan tiksindi,
Tas qorǵanda jalǵyz ózi jatsa da,
Qanysherler ainalada kóptin-di....
Bir qazaqqa áli kelmei, jer bolyp,
Moiyndatpaq, bir ólikti tergeýlik,
Seniń isiń, sen óltirdiń degendi,
Artpaqty olar, óren jasqa kóldei ǵyp ....
Án «Qazaqstan»
2 - júrgizýshi: Quttyqtaý sóz kezegi mektebimizdiń direktoryna beriledi.
1 - júrgizýshi:
Kúi, seni tátti kórem, janym súiip,
Tyńdaimyn tynym almai, janyp – kúiip
Ómirdiń syryn ashyp júregime
Mýzanyń ámirine basymdy iip.
Alaiyq eski kúidiń bárin jiyp,
Jandyrǵan oi - qiialdy qalyń kúiik
Sherttirip qunarlyraq dombyraǵa
Terbelip yrǵaǵyna tamyljiyq
«Balbyraýyn» kúii.
Baqytym - Respýblikam Qazaqstan,
Kóginde aq kógershin, qazdar ushqan.
Saǵan jetpes qushaǵy álemniń de,
Qys bolsa, bir shetinde jaz aýysqan.
«Qamajai bii»
1 - júrgizýshi:
Tań qalady tergeýshi de bel ketip,,
Netken qaitpas, biz mundaidy kórmedik!!!
Barlyq qazaq osyndai ma.? bilmedim,
Joq álde sen oqshaý ma ediń, ne erlik?....
Barlyq qazaq osyndai, bar qanynda,
Sol erlikpen ustaǵan, sar dalamdy,
Kirgizbegen jaýlaryn, bir súiem de,
Urpaǵy úshin jan bergen, ór babam da!!!...
Sol atanyń urpaǵy myna menmin,
Este usta ei jendet, kórmegeniń,
Men qazaqpyn qoryqpan, ólimnen de,
Taban asty, ol týǵan jerim meniń.
Bir tamshy jas, almai qara kózine,
Halqy úshin jaýaptyǵyn sezine,
Jas qazaǵym, qiyndyqtan taisalmai,
Árkezderi, juptap turdy sózin de;
Qairat atty atym bar, on segizde jasym bar,
Erkek toqty qurbandyq, atam deseń atyńdar!!!
2 - júrgizýshi:
Qazaq deitin meniń bir elim,
Jatyr alyp jarty dúnie álemin.
Bul dalany anam jaspen sýarǵan,
Bul dalaǵa jylap kelip qýanǵan, - dep Qasym Amanjolov aǵamyz jyrlaǵandai, keń baitaq jerimizde Qazaq halqynyń basynan ne ótpedi deseńizshi. Talai qiyndyqty bastan keshirse de, eshqashan moiymai, kúrese bildi. Azattyq tańy týatynyna kámil senip, úmitterin úzbedi.
Sol kúnder ǵoi júrektiń ańsaǵany,
Soǵan shóldep, shólirkep tamsanady,
Ókinish pe, bilmeimin qýanysh pa
Óz - ózinen júregim án salady.
«Ornynda bar ońalar» demekshi, el ornynda, jer ornynda, jerge jeter bailyq joq. Jer bolsa, el bolady, el bolsa er bolady. Erlerimizdiń arqasynda «Qazaqstan» egemendi el bolyp, dúnie júzine tanyldy. 120-dan asa ult ókilderi turatyn osynaý qasietti mekende, asqaqtaǵan ólkede, keńshiligi keremet darhan dastarhandai dalada, egini teńizdei tolqyǵan, tórt túligi órbigen, óndirisi órkendegen mekende ómir súrýshi árbir adam óz Otanyn janyndai súiip, onyń kók bairaǵyn kókke kóterýdi maqtanysh tutady.
Qazaqpyn, eńseli elmin egemendi,
Keńeittim keń álemge keregemdi.
Muhittyń ar jaǵynda jatqan jurttar
Tanydy tepe - teń dep terezemdi.
Qazaqpyn, qoinaýy - qut, jeri - darhan,
Ánimdi bes qurlyqtyń bárinde aitam.
Án: «Jasa, Qazaqstan!»
Jeltoqsan – zaman tolǵaǵy baitaq dalanyń,
Sharpyǵan sáti úmit pen kúdik qalanyń
Jeltoqsan – Qairat, Lázzat, Sabira
Qurbany bolǵan jalanyń
Al qoǵamnyń adamnan bar ma asyly,
Ketkende joq qulaqtan zar basylyp,
Buǵaýdaǵy bozdaqtary kete bardy
Biri atylyp, al biri darǵa asylyp
1 - júrgizýshi:
Barlyq ulttyń basyn qosty bul dostyq
Uly dostyq Nurly dostyq
Kún dostyq Dostyq degen qasietti uranǵa
Keń dalanyń júregi de ún qosty
Bishi qyzdar biimen de ún qosty
2 - júrgizýshi:
Qasietti Qazaqstan mekenim,
Aqiqattyń altyn besigi ekensiń.
Elim, jerim, Otanym – baq - dáýletim,
Bolashaǵym, óner - bilim, órkenim.
Beibit ómir tileimin men halqyma
Týǵan tilim shubarlanba jarqyra
Tarihymyzda talanttylar kóbeisin
Bas iemin ata baba rýhyna.
Boiymda áni bulaq jatyr burqyrap
Sol bulaqtan syr aǵyzdym jyr qurap
Tileitinim barsha jurtqa bir ǵana
Yrys, baqyt, tatýlyq pen yntymaq.
Án: «Qazaqstanym»
2 - júrgizýshi:
Tý tigildi halqymnyń búgin baǵyna
Jas órender jelbiretip nyq usta
Ǵasyrlarǵa jalǵastyryp eldikti
Daq túsirme ata baba rýhyna
Úlgi bizge atalardyń erligi
Ulaǵaty ónegesi eńbegi
Táýelsizdik týyn ustap joǵary
Búgingi urpaq bolar eldiń erteńi dei kele búgingi táýelsizdigimizdiń 23 jyldyǵyna arnalǵan «Táýelsizdik dep soǵady júregimiz» atty merekelik keshimiz óz máresine de kelip jetti.
Qazaq elim! Týdy jastyq dáýiriń.
Alǵandaisyń juldyzyńnyń jaryǵyn.
Táýelsizdik qutty bolsyn, qymbattym,
Týǵan kúniń qutty bolsyn, alybym!
Táýelsizdigimizdiń tuǵyry biik, halqymyzdyń eńsesi joǵary, egemendigimiz baiandy bolsyn dep tileiik, aǵaiyn. Kelesi kezdeskenshe saý salamatta bolyńyzdar!
Uqsas jazba:
