Ál-Farabi atyndaǵy QazUÝ filologiia jáne álem tilderi fakýlteti qazaq til bilimi kafedrasy Táýelsizdik merekesi qarsańynda «RÝHANI JAŃǴYRÝ» jobasy aiasynda «Táýelsizdik - Táńir bergen tátti syi» atty ádebi kesh ótkizdi.
Shara barysynda «Táýelsizdik dep soǵady júregimiz. Táýelsizdik - eń basty qundylyǵymyz. Táýelsizdikke qantógissiz, beibit túrde qol jetkizgennen keiin ǵana elimizdi álemniń órkenietti memleketteriniń qataryna qosa aldyq.
27 jyl ishinde táýelsiz Qazaq elin qalyptastyryp, naryqtyń qiyn ótkelekterinen aman óttik. Osy kezeńde Qazaqstandy dúnie didaryndaǵy eń myqty memleketter tanityndai, syilaityndai deńgeige jetkizgen Elbasy Nursultan Nazarbaevtai kóregen saiasatkerdiń eren eńbegin árqashanda aityp ótemiz. Táýelsizdik kúni elimizdiń barlyq azamattary úshin orny erekshe mereke dep bilemiz, sebebi, osynaý júrekjardy qýanyshqa toly kúndi ata - babalarymyz ǵasyrlar boiy armandap, kútýmen ótti» dep tebirengen jas qyrandar shaǵyn kórinis arqyly ata-baba arýaǵyna taǵzym jasady.
Táýelsizdik uǵymyn tereń túsindirý, stýdentterdiń boiyna Otanyna, eline degen súiispenshilik pen birlik, tatýlyq uǵymdaryn tereń sińirý maqsatynda uiymdastyrylǵan keshte stýdentter táýelsizdikke arnalǵan jyrlaryn oqyp, ónerlerin kórsetti.
Júrekjardy jyr astarynan stýdentterdiń patriottyq sezimin, otansúigishtik qasietin ańǵarýǵa bolady. Yntymaǵy, birligi jarasa shalqyǵan eldiń, kóptegen ult pen ulystarǵa altyn besik bolǵan memlekettiń ulany ekendikterin maqtanysh sezimderimen jetkizdi. Memlekettik tildi qurmetteýge, óz ultyn janyndai súietin sanaly, bilimdi, isker azamat qalyptastyrýǵa baǵyttalǵan merekeni qazaq til biliminiń oqytýshylary J. Satkenova, Á. Ámirov, B. Quljanova, L. Álimtaeva uiymdastyrdy.
Qazaq til bilimi kafedrasynyń oqytýshylary J. Satkenova, Á.Ámirov.
.jpeg)