Qazaqstanda jeltoqsan aiyndaǵy demalys kúnderdiń sany qysqardy.
Normativtik-quqyqtyq aktilerdiń aqparattyq-quqyqtyq júiesinde "Qazaqstan Respýblikasyndaǵy merekeler týraly" zańnyń jańa redaktsiiasy jariialandy, dep habarlaidy Sputnik Qazaqstan.
Oǵan sáikes, endi qazaqstandyqtar Táýelsizdik kúnin tek 16 jeltoqsanda atap ótedi. Sáikesinshe, sol kúni demalady. Al 17 jeltoqsan – jumys kúni.
Sondai-aq Táýelsizdik kúni "ulttyq mereke" degen mártebesinen aiyryldy. Budan bylai ol memlekettik mereke sanalady.
Buǵan deiin zań boiynsha Táýelsizdik kúni 16 jáne 17 jeltoqsan atalyp ótetin.
Sonymen qatar osy zańda 1 jeltoqsan – Tuńǵysh prezident kúni memlekettik merekeler qatarynan alynyp tastaldy. Endi bul kúni demalys bolmaidy.
Budan bólek, kúntizbege 25 qazanda toilanatyn ulttyq meiram – Respýblika kúni enip otyr.
Aita keteiik, biyl el halqy Respýblika kúnine orai qatarynan úsh kún – 23, 24 jáne 25 qazan demalady. Al senbi, 22 qazan jumys isteidi.
Keshe Prezident Qasym-Jomart Toqaev "Qazaqstan Respýblikasynyń keibir zańnamalyq aktilerine kinematografiia, mádeniet jáne merekeler máseleleri boiynsha ózgerister men tolyqtyrýlar engizý týraly" Zańǵa qol qoidy.
