Elimizdiń Táýelsizdiginiń 27 jyldyǵy qarsańynda Túrkistan oblysynyń ortalyǵy Túrkistan qalasynda jańa saiabaq el igiline tapsyryldy, dep habarlaidy "Ult aqparat".
Qalanyń Kentaý baǵytynan kire berisinen 14 gektar jerge ornalasqan «Parasat» saiabaǵynyń qurylysy 2018 jyldyń tamyz aiynda bastalyp, jeltoqsan aiynda paidalanýǵa berilip otyr. Demalys aimaǵynyń qurylys montaj jumystaryna 260 mln. 742,92 myń.teńge qarjy bólingen. Qurylysty «Túrkistan jaryq tazalyq» JShS mekemesi júrgizgen.
Ashylý saltanatyna qatysqan oblys ákimi Janseiit Túimebaev qala turǵyndaryn jańa demalys aimaǵynyń ashylýymen quttyqtady.
«Túrkistan – oblys ortalyǵy retinde kúnnen kúnge kórkeiip, abattanyp keledi. Aldaǵy ýaqytta jańa qala boi kóteretin bolady. Túrkistan – rýhani ári mádeni, ekonomikalyq jáne áleýmettik turǵydan damyǵan shaharǵa ainalmaq. Mine, búgin Táýelsizdik merekesi qarsańynda ashylyp otyrǵan saiabaq oblys ortalyǵy turǵyndarynyń súiikti demalys aimaqtarynyń birine ainalady dep oilaimyn. Egemendigimiz eńseli, táýelsizdigimiz tuǵyrly bolǵai», - dedi Janseiit Qanseiituly.
Saiabaq abattandyrylyp, arhitektýralyq qurylysy jaǵynan sońǵy úlgide jasaqtalǵan. Ondaǵy ornatylǵan jaryq baǵanalary men arkalar, smart oryndyqtar, sýburqaqtar men trenajerlik aspaptar, tennis, fýtbol, basketbol alańshalary men velojoldar jáne kontsert alańy demalýshylarǵa qolaily jaǵdai týǵyzatyn bolady. Saiabaqty sýmen qamtamasyz etý júiesi tolyǵymen avtomattandyrylǵan.
