Táýelsizdigimizdiń 30 jyldyǵy qarsańynda elimizdiń televiziia salasyna zor eńbek sińirgen birqatar jýrnalist Qazaqstan Respýblikasy Prezidentiniń 2021 jylǵy 2 jeltoqsandaǵy Jarlyǵyna sáikes memlekettik marapattarǵa ie boldy. Bul týraly Memleket basshysynyń baspasóz hatshysy Berik Ýáli Facebook-tegi paraqshasynda jazdy, dep habarlaidy QazAqparat.
«Táýelsizdik kúni – kúlli jurtymyz úshin ulyq mereke. Azattyǵymyzdyń 30 jyldyǵy qarsańynda azamattardyń eńbegi elenip, Memleket basshysy tarapynan ártúrli marapat alyp jatyr. Tókken ter men tynymsyz eńbekti eldiń eń joǵarǵy basshysy elep jatsa, árine, ol – zor qýanysh. Marapat ielerin shyn júrekten quttyqtaimyn! Eń bastysy elimiz aman, jurtymyz tynysh bolǵai!
Búgin Táýelsizdigimizdiń 30 jyldyǵy qarsańynda elimizdiń televiziia salasyna zor eńbek sińirgen birqatar jýrnalist Qazaqstan Respýblikasy Prezidentiniń 2021 jylǵy 2 jeltoqsandaǵy Jarlyǵyna sáikes memlekettik marapattarǵa ie boldy.
Sonymen «Qurmet» ordenimen «Habar» agenttiginiń telejúrgizýshisi Zeiin Álipbek pen «Qazaqstan» UTA «Apta» saraptamalyq baǵdarlamasynyń júrgizýshisi Jaina Slambek nagradtaldy.
«Eren eńbegi úshin» medalimen «Habar24» telearnasynyń júrgizýshisi Asylbek Abdýlov, jýrnalist Muhtar Túmenbai jáne «KTK» telearnasynyń júrgizýshisi Mádina Balǵabaeva marapattaldy», - dep jazdy Berik Ýáli.
