Táýelsizdik kúni merekesi qarsańynda Qazaqstan Respýblikasy Prezidentiniń Jarlyǵymen memleketimizdiń áleýmettik-ekonomikalyq jáne mádeni damýyna, halyqtar arasyndaǵy dostyq pen yntymaqtastyqty nyǵaitýǵa qosqan eleýli úlesi, belsendi qoǵamdyq qyzmeti úshin el azamattarynyń úlken bir toby memlekettik nagradalarmen marapattaldy. Olardyń qatarynda óndiris, biznes, bilim berý, densaýlyq saqtaý salalarynyń kórnekti ókilderi, áskeri qyzmetshiler, quqyq qorǵaý organdarynyń qyzmetkerleri, sportshylar, soǵys jáne eńbek ardagerleri, mádeniet jáne ǵylym qairatkerleri bar.
«Qazaqstannyń Eńbek Eri» ataǵy Qazaqstan Respýblikasynyń ekonomikasyn damytýdaǵy jáne óndiristik qyzmettegi erekshe eńbegi úshin Pavlodar oblysy «Eýroaziia energetikalyq korporatsiiasy» AQ «Vostochnyi» kenishiniń mashinisi Murat Qaiyrgeldinge jáne Temirtaý metallýrgiia kombinatynyń atqarýshy direktory Vadim Basinge berildi.
«Otan» ordenimen «Astana Opera» memlekettik opera jáne balet teatrynyń jetekshi solisi Maira Muhamedqyzy marapattaldy. «Qazaqstan Respýblikasynyń Tuńǵysh Prezidenti – Elbasy Nursultan Nazarbaev» ordenimen Qazaqstan Respýblikasynyń Premer-Ministri Asqar Mamin, Almaty oblysynyń ákimi Amandyq Batalov, «Kazakhmys Holding» JShS prezidenti Vladimir Kim, «BSB» Qarjy-ónerkásip korporatsiiasy» JShS prezidenti Rashit Sarsenov; I dárejeli «Barys» ordenimen Jániia Áýbákirova avtorlyq mektebiniń direktory Jániia Áýbákirova, aqyn Shómishbai Sariev, Almaty oblysy «Hilnichenko i K» kommandittik seriktestiginiń tóraǵasy Viktor Hilnichenko; II dárejeli «Barys» ordenimen jazýshy, «Til-qazyna» ulttyq ǵylymi-praktikalyq ortalyǵynyń bas direktory Álibek Asqar, Abai atyndaǵy Qazaq ulttyq pedagogikalyq ýniversiteti janyndaǵy ortalyqtyń jetekshisi Áliia Beisenova, Konstitýtsiialyq Keńes múshesi Ashat Daýylbaev, Qyzylorda qalasyndaǵy «Bolashaq» ýniversitetiniń ǵylymi basshysy Baqbergen Dosmanbetov, Parlament Senatynyń depýtaty Muhtar Qul-Muhammed; III dárejeli «Barys» ordenimen Parlament Májilisiniń depýtaty Omarhan Óksikbaev marapattaldy.
Belgili ǵalymdar, mádeniet qairatkerleri, óndiristik sala ókilderiniń eńbekteri «Parasat» ordenine laiyq dep tanyldy. Olardyń arasynda Ulttyq ǵylym akademiiasynyń akademigi M.Baimahanov, «Búrkit» memlekettik aviakompaniiasy» RMK direktory A.Dziýba, «Aqmola-Tirshilik» JShS direktory J.Erǵaliev, «Bibi-Ana» qaiyrymdylyq qorynyń prezidenti B.Imanǵazina, Qazaqstan Respýblikasynyń Ulttyq mýzeiiniń antropology O.Ysmaǵulov, «Aýyl sharýashylyǵy jumyskerleriniń salalyq kásibi odaǵy» AQ tóraǵasy E.Kappel, Q.Qýanyshbaev atyndaǵy Memlekettik akademiialyq qazaq mýzykalyq drama teatrynyń ártisi T.Meiramov, Qazaqstannyń tuńǵysh Prezidenti – Elbasynyń kómekshisi D.Aqyshev, Premer-Ministrdiń orynbasary A.Smaiylov, Syrtqy ister ministri M.Tileýberdi, aqyn R.Niiazbek, Abai atyndaǵy Qazaq ulttyq pedagogikalyq ýniversiteti janyndaǵy ǵylymi-praktikalyq ortalyqtyń direktory F.Orazbaeva, Qostanai oblysy «Frýnzenskoe» JShS direktory N.Sherer bar.
I dárejeli «Dostyq» ordenimen «Mabeteks grýpp» kompaniiasynyń negizin qalaýshy B.Pakolli marapattaldy. II dárejeli «Dostyq» ordenine Syrtqy ister ministrliginiń erekshe tapsyrmalar jónindegi elshisi Z.Amanjolova, Túrkistan oblysy «YDA Group» direktorlar keńesiniń tóraǵasy A.Hýsein, Qyzylorda oblysy ákimi apparatynyń janyndaǵy «Qoǵamdyq kelisim» RMM sarapshysy S.Kriýger, diplomatiialyq qyzmet ardageri B.Nurǵaliev, N.Sats atyndaǵy Memlekettik balalar jáne jasóspirimder akademiialyq orys teatrynyń ártisi T.Tarskaia, Jambyl oblysy boiynsha Mahmud Qashǵari atyndaǵy Uiǵyr etnomádeni birlestiginiń tóraǵasy M.Týrdyeva, Shyǵys Qazaqstan oblysy «Semena maslichnyh» ShQ basshysy L.Tsybenko jáne basqalar ie boldy.
«Qazaqstannyń eńbek sińirgen qairatkeri» qurmetti ataǵy ǵylym jáne mádeniet salasynyń 21 kórnekti ókiline berildi, olardyń ishinde belgili ánshiler J.Aijan men T.Serikov, ǵalym R.Jansaraeva, aqyn I.Saparbai, akter S.Matveev, ónertanýshy K.Li, teatr jáne kino ártisteri Z.Karina, B.Týshaev jáne basqalar bar.
Belgili ǵalymdar, mádeniet qairatkerleri, óndiristik sala ókilderiniń eńbekteri «Qurmet» ordenimen baǵalandy. Olardyń qatarynda Nur-Sultan qalasynyń ákimdigi janyndaǵy Memlekettik akademiialyq filarmoniianyń ánshisi S.Aitbaeva, Qazaqstan Respýblikasynyń Mońǵoliiadaǵy Tótenshe jáne ókiletti elshisi J.Ádilbaev, jazýshylar S.Dáýitov jáne A.Kemelbaeva, «Dizainerlerdiń eýraziialyq odaǵy» aktsionerlik qoǵamynyń tóraǵasy E.Asylhanov, Mańǵystaý oblysy Jańaózen politehnikalyq kolledjiniń direktory T.Bolatbaeva, Túrkistan oblysy Arys qalasy V.Komarov atyndaǵy №8 jalpy bilim beretin orta mektebiniń muǵalimi T.Borodina, Almaty qalasy «Qazaqkontsert» memlekettik kontsert uiymynyń ártisi M.Júnisova, «Qazaqparat» halyqaralyq aqparattyq agenttigi bas direktorynyń keńesshisi K.Ábýova, Soltústik Qazaqstan oblysy «Raisovskoe» JShS direktory V.Kovalenko, «Qazaq ádebieti» gazetiniń bas redaktory D.Qýatov, Aqtaý qalasy «Aq Bidai-Terminal» AQ basqarma tóraǵasy S.Kóbeisinov, qoǵam qairatkeri Q.Joldybaiuly, aqyn S.Dúisenǵazy, M.Áýezov atyndaǵy Memlekettik qazaq akademiialyq drama teatrynyń ártisi Sh.Meńdiiarova, Pavlodar qalasyndaǵy №3 qalalyq aýrýhanasynyń bólim meńgerýshisi V.Pavlov, «Atyraýinjstroi» jaýapkershiligi shekteýli seriktestigi Direktorlar keńesiniń tóraǵasy V.Pak, Ulttyq qoǵamdyq senim keńesiniń múshesi A.Omarova, aitysker aqyn A.Tursynbaeva, akter Á.Raiynbekov, «Aqtóbe oblysy Chernobyl múgedekteri» AQ tóraǵasy B.Satov, Ǵ.Qurmanǵaliev atyndaǵy Batys Qazaqstan oblystyq filarmoniiasynyń solisi S.Taýdaeva, eńbek ardageri K.Álpeiisova, L.Gýmilev atyndaǵy Eýraziia Ulttyq ýniversitetiniń kafedra meńgerýshisi T.Qaiyrken, ǵalym O.Sábden jáne basqa da tulǵalar bar.
Ónerkásip, kólik, qurylys, aýyl sharýashylyǵy, bilim berý, densaýlyq saqtaý, áleýmettik qamtamasyz etý jáne jáne basqa da salalardyń 94 eńbekkeri III dárejeli «Eńbek Dańqy» ordeniniń iegerleri atandy.
Áskeri jáne qyzmettik boryshyn úlgili atqarǵany, zańdylyq pen quqyqtyq tártipti qamtamasyz etýde kórsetken erligi men janqiiarlyǵy, eldiń ulttyq qaýipsizdigi men qorǵanys qabiletin nyǵaitýǵa qosqan úlesi úshin áskeri qyzmetshiler men quqyq qorǵaý organdary ókilderiniń bir toby I jáne II dárejeli «Dańq», sondai-aq, I, II, III dárejeli «Aibyn» ordenderimen, «Erligi úshin» jáne «Jaýyngerlik erligi úshin» medaldarymen marapattaldy.
Nagradtalǵandardyń tizimi baspasózde jariialanady.
