Almatylyq órt sóndirýshi-qutqarýshylar qazaqstandyqtardy mereitoilyq datamen quttyqtap, jergilikti biýdjet esebinen alynǵan órt sóndirý tehnikasynan «30» mereitoilyq tsifryn jazdy, dep habarlaidy QazAqparat.
Almatylyq qutqarýshylar jańadan ashylǵan órt sóndirý deposyna berilgen sý jańa kólikterden Táýelsizdik kúnine orai «30» sanyn jazyp quttyqtady.
Sondai-aq osy kúni qalada jańa órt sóndirý deposy ashyldy. Onyń jalpy alańy - 3524 sharshy metr.
6 shaqyrylymǵa eseptelgen, oqiǵa ornyna deiin jol júrý ýaqytyn qysqartýǵa múmkindik beredi jáne Alataý aýdanynyń Indýstrialdy aimaǵyn, onyń ishinde Saialy, Kók-Qainar, Tomiris, Mádeniet shaǵynaýdandary men 71 razezdiń órt qaýipsizdigin qamtamasyz etý jónindegi jumystyń tiimdiligin arttyrady.
Aýdannyń belsendi damýyn eskere otyryp, órt sóndirýge arnalǵan tehnikamen qatar, bólik arnaiy avtotehnikamen jabdyqtalǵan, onyń ishinde biik ǵimarattarǵa arnalǵan.
"Munda 131 qyzmetker jumys isteidi. Bólimde negizgi jáne arnaiy maqsattaǵy 10 zamanaýi órt sóndirý avtomobilderi ornalasady. Jeke quram úshin turmystyq úi-jailar, demalys bólmeleri, psihologiialyq jeńildetý bólmesi, trenajer sport zaly qarastyrylǵan", - dedi Almaty qalasy TJD basshysy Rýslan Qasymbaev.
Kásibi daiyndyq úshin oqý-jattyǵý munarasy, kedergileri bar 100 metrlik jolaq bar. Sondai-aq garnizon qyzmetkerleri úshin jataqhana men páterler qarastyrylǵan. Búgingi kúni qalada órtke qarsy qyzmettiń 18 bólimshesi jumys isteidi.
«Jańa Almaty» keshendi josparyn oryndaý aiasynda Almaty ákimdiginen 33 birlik órt sóndirý avtotehnikasy, órt sorǵy stantsiiasy, eki órt sóndirý avtotsisternasy, 14 órt sóndirý avtotsisternasy, 7 jyldam áreket etý avtomobili, jeńdik avtomobil, avariialyq-qutqarý avtomobili, úsh ÝAZ avtomobili, shaǵyn avtobýs, samosval, eki júk avtomobili alyndy.
