Ótken kúnder - qazaqstandyqtardyń ózge urpaǵynda qaitalanbaityn erekshe ýaqyt. Bul týraly Qazaqstan Prezidenti Nursultan Nazarbaev aitty, dep habarlaidy QazAqparat tilshisi.
QR Prezidenti Teleradiokesheni Feisbýktegi resmi paraqshasynda Elbasymen bolǵan suhbattan videoúzindi jariialady. Onda Memleket basshysy ótken kúnderden qalatyn estelikter men ýaqyttyń nelikten zymyrap ótetinine qatysty oi-tolǵamymen bólisti.
"Bul ómirde barlyǵy zymyrap tez ótedi dep aitamyz. Sebebi adam jadynda ótken ómirdiń tek jarqyn sátteri saqtalady. Sondyqtan ýaqyt syǵymdalady. Bolmashy dúnieler umytylyp, tamasha áserler qalady jáne ýaqyt óte qysqa bolyp kórinedi", - dedi Prezident.
Nursultan Nazarbaev qazaqstandyqtardyń aǵa býyny ózge urpaqta qaitalanbaityn erekshe ýaqytty bastan ótkergenin atap ótti.
"Biz jastyq shaǵymyzda álemge tóńkerilgen dúrbimen qaraimyz. Aldymyzda myńdaǵan jyldar bar sekildi kórinedi. Al keiin ýaqyt jetkende durys dúrbini qolǵa alamyz. Árine, az ómir súrmedik, talai joldan óttik. Bir jaǵynan bul qiyn kezeńder boldy. Ekinshi jaǵynan, bul qazaqstandyqtardyń ózge býynynda qaitalanbaityn erekshe ýaqyttar edi. Men óz elimniń táýelsizdiginiń kýágeri ǵana bolyp qoimai, onyń ómirge kelýiniń basy-qasynda bolǵandardyń biri edim. Bul jerde jalǵan qarapaiymdylyqqa salynbai-aq qoiaiyn. Árine úzeńgilesterimmen, halqymmen birge qol jetkizdim. Sondyqtan, ótken kúnder týraly keremet áser bar, razylyq sezim bar jáne alda turǵan úlken mindetter bar", - dep óz sózin túiindedi Prezident.
.jpeg)