Táýelsiz Qazaqstanǵa 30 jyl!
Qazaqstan táýelsizdiktiń besiginde terbelip jatqanyna - 30 jyl. Osy ýaqyt aralyǵynda Qazaqstan álemde kósh bastaǵan derbes el ekenin dáleldei bildi. Óziniń belgilengen shekarasy, dini men tili, memlekettik rámizderi men ulttyq qundylyqtary, mádenieti men salt-dástúri bar táýelsiz zaiyrly elge ainaldy. Eger biz kóne tarihymyzdyń qatpar-qatpar paraqtaryna kóz júgirtsek, ata-babamyz ejelden-aq óz jerin esh jaýǵa bastyrmaǵan, ulyn - qul, qyzyn kúń qylmaǵan. Jaýyna - qatal, dosyna - adal, shybyn janyn shúberekke túiip, sadaq ustap, naizanyń ushyna úki taqqan erjúrek uldary men qyzdarynyń jaýyngerlik úlgisi bizge amanat bolyp jetken.
Jyl saiynǵy el Prezidenttiń halyqqa arnalǵan Joldaýlary men qabyldanǵan memlekettik baǵdarlamalar, strategiialyq baǵyttardyń barlyǵy da qarapaiym halyqtyń turmysyn jaqsartyp, táýelsizdigimizdi nyǵaitýǵa baǵyttaldy. Qazirgi tańda Táýelsizdik - barlyǵymyz úshin erekshe qasietti kún. Birliktiń, yntymaqtastyq pen tatýlyqtyń kúni. Memleketimizdiń táýelsizdigi - eń aldymen halqymyzdyń baqyty. Alǵashqy jyldarda basym maqsattardyń qatarynda egemendikti nyǵaitý, ulttyq qaýipsizdikti qamtamasyz etý, ekonomikadaǵy qiynshylyqtarǵa jaýap berý bolǵan edi.
Sondyqtan búgingi kúni halqymyz ótkennen qalǵan tarihi ónegeni, otansúigishtikti, ultyna degen mahabbatty joǵaltpai, ári qarai jastardyń patriottyq sezimin oiatýǵa erekshe kóńil bólýi kerek.
Táýelsizdik – ulttyq tildiń, dástúrdiń, salt-sananyń myzǵymas tiregi, altyn dińgegi hám halyqtyń baq juldyzy. Táýelsizdik – qolǵa qonǵan baq!
Osy oraida Aqmola stýdentteriniń Aliansy barsha qazaqstandyqtardy Táýelsizdik kúnimen shyn júrekten quttyqtaidy!
Sondai-aq, bul quttyqtaýǵa "Jasyl el" jastar eńbek jasaǵynyń Aqtóbe oblystyq shtabynyń tóraǵasy Nurlybek Qumaruly Mýsin da qosyldy.
«Yntymaqty uran, tatýlyqty tý etken beibit halqymyz osy ýaqyt aralyǵynda tolaǵai tabystar men súbeli jetistikterge jetti. Sol jemisti jetistikterimizdiń kýási - Táýelsizdik jyldary Elbasy bastamasymen qurylǵan "Jasyl el" baǵdarlamasy.
Bul baǵdarlama elimizdiń túkpir-túpkirinde qoldaýǵa ie bolyp, júieli túrde 17 jyl qatarynan iske asyp keledi. Oǵan elimizdiń jastary úlken qoldaý bildirýde.
Keiingi urpaqqa jelden - yq, sýyqtan - pana, ystyqtan saia bolatyn máńgilik báiterek turpatty jasyl eldi tabystaý maqsatynda tek Aqtóbe oblysynyń ózinde ǵana 3 mln. astam aǵash otyrǵyzyldy.
Jastar arasyndaǵy jumyssyzdyq kólemin azaitýǵa úlken úles qosyp, olardy eńbeksúigishtik pen tazalyqqa tárbieleitin «Jasyl el» baǵdarlamasynyń óskeleń urpaq úshin mańyzy zor.
Osyndai biiktikterdi baǵyndyrýyna táýelsizdik urpaqtary bolyp tabylatyn jastarymyz súbeli úles qosyp keledi. Urpaqtarynyń yrysy ortaimasyn, namysy taptalmasyn dep kóksegen ata - babamyzdyń armany oryndalǵan osy shaqta barshańyzǵa baqyt, bailyq, bereke tileimin. Elimizdiń erteńi jolyndaǵy eńbegimiz jana bersin!» - deidi ol óz quttyqtaýynda.
