Belgili akter Táýekel Músilim ánshi Janar Duǵalovamen arada qandai bailanysy baryn aitty.
"Kúni keshe qyraǵy papparatstsidiń quryǵyna juldyzdar qaýymy emes, myna men tústim. Kezekti sharalardyń birinde Janar Duǵalova ekeýimizdi qatar baiqap qalǵan jýrnalister qaýymy bizdi san suraqtyń astyna aldy. Jurttyń sózinen jalyqqandyqtan, bar shyndyqty jaiyp salýyma týra keldi", — deidi Táýekel Músilim "Reviý" baǵdarlamasynda.
Tosynnan túsirilgen kadrlar keiin qos juldyzdyń da tynyshtyǵyn qashyrǵan. Shetelde beiqam demalyp júrgen ekeýiniń videosy jelige tarap ketisimen-aq, jurt olardy dereý juptastyryp ta úlgerdi.
Alaida, keibir qyraǵylar jańa mahabbat hikaiasynyń shikiligin birden sezgen. Sebebi bul, "Clear" sýsabynynyń sátti jasalǵan piar qadamynyń biri ǵana.
"Bastapqyda Janar týraly eshkimge aitqan joqpyz. Jáne sondai bir áńgime bolsyn, jurt qyzyqsyn dep, Janar ekeýimiz kezdesip jatyrmyz dep qaýeset jiberdik. Degenmen, ol ózi bir yqpalyn jasady. Adamdar ekeýiń úilenip qoidyńdar ma dep surai bastady", — deidi Táýekel Múslim.
Qyzyqqumar kópshilik Janar Duǵalovaǵa da maza bermegen.
"Árine kóptegen smster keldi maǵan. Qyzdardan kóp keldi. "Birge júresizder me, Táýekelge turmysqa shyǵaiyn dep jatyrsyń ba" dep bári surady", — deidi Janar Duǵalova.
Osy saryndaǵy sansyz suraqqa, qos juldyz jalǵyz beinerolikpen jaýap berýdi jón kórdi.
"Yntymaqtastyǵymyzdyń nátijesi sátti bolady degen senimdemin. Jobada at salysqany úshin, juldyzdarǵa alǵysymdy bildiremin", — dedi Unilever Kazakhstan kompaniiasynyń bas direktory Baný Dýiýldý.
Kompaniia ókilderi qolań shashty Janarmen seriktestigin keleshekte de jalǵastyra bermek.
