Almatyda taýda joǵalǵan qyzdy izdestirýge tikushaq shyqty. Bul týraly QR IIM TJK Respýblikalyq qutqarý jasaǵy habarlady.
«Izdestirý jumystary jalǵasatyn boldy. Keshe qutqarýshylar jaiaý aralap kórdi. Qazir izdeý sharalaryna kóbirek territoriiany kórý úshin tikushaq jumyldyryldy», - dedi Respýblikalyq qutqarý jasaǵynyń baspasóz qyzmetinen.
Eske salaiyq, boijetkenniń joǵalǵany týraly 10 qarasha kúni belgili boldy. Ol taý týrizmimen ainalysyp júrgen. 9 qarasha saǵat 13:00 shamasynda ol Úlken Almaty (Josaly) kólinde túsken fotosyn áleýmettik jelige jariialaǵan.
Odan keiin bailanysqa shyqpaǵan. Buǵan deiin júrgizilgen izdestirý jumystary qyzdyń týystarynyń ótinishi boiynsha toqtatylǵan bolatyn.
Biraq keiin Á.Panarǵalievanyń jaqyndary izdestirýdi jalǵastyrýdy qaita surady.
