Jeke tulǵalarǵa qyzmetteri men taýarlaryn elektrondy túrde ótkizetin sheteldik internet kompaniialar qosylǵan qun salyǵyn tóleitin bolady. Bul týraly Parlament Májilisiniń jalpy otyrysynda málim boldy, dep habarlaidy QazAqparat.
«Zań jobasynda Qazaqstan azamattaryna qyzmet kórsetetin sheteldik internet kompaniialary qosylǵan qun salyǵyn, basqasha aitqanda «Google salyq» salýǵa múmkindik beretin normalar usynylady. «Google salyqty» tek sheteldik internet kompaniialar tóleitin bolady. Zańdy jáne jeke tulǵalarǵa bul normanyń qatysy joq. Osyǵan bailanysty salyq salynatyn bazanyń keńeitiletinin eskere otyryp, biýdjettiń kiris bóligi qanshalyqty ulǵaiady? Aldyn ala esepteý júrgizildi me?», - dep surady Májilis depýtaty Fahriddin Qarataev.
Óz kezeginde Ulttyq ekonomika ministri Rýslan Dálenov norma sheteldik internet kompaniialarǵa qatysty ekenin naqtylady.
«Qazaqstandyq tóleýshilerge qatysty bolmaidy. Norma sheteldik kompaniialarǵa Qazaqstanda esepke turýǵa jáne qosymsha qun salyǵyn tóleýge múmkindik beredi. Bul óz kezeginde halyqaralyq standartqa sáikes keledi. Sheteldik internet kompaniialar Qazaqstanda kórsetiletin qyzmetter kólemi, ainalymy boiynsha qosylǵan qun salyǵyn tóleýge daiyn. Biraq, bul úshin tólemge qatysty tiisti norma bolmaǵan edi. Endi osy normalar usynylyp otyr. Biýdjet kiristerin ulǵaitý baǵytyna toqtalsaq, osy qyzmetter kólemi aýqymdy bolmaǵandyqtan, QQS jylyna 2 mlrd teńge somasynda baǵalanýda. Eger qyzmetter kólemi ósetin bolsa, salyq kólemi de artady. Biz ony baqylaimyz», - dedi R. Dálenov.
Budan buryn habarlanǵandai, búgin Parlament Májilisiniń jalpy otyrysynda «Qazaqstan Respýblikasynyń keibir zańnamalyq aktilerine salyq salý jáne investitsiialyq ahýaldy jetildirý máseleleri boiynsha ózgerister men tolyqtyrýlar engizý týraly» zań jobasy birinshi oqylymda maquldandy.
Qujat boiynsha jeke tulǵalarǵa qyzmetteri men taýarlaryn elektrondy túrde ótkizetin sheteldik internet-kompaniialar qosylǵan qun salyǵyn tóleýge mindetti bolady.
