QR Parlament Májilisiniń tóraǵasy Nurlan Nyǵmatýlin taýarlardy tańbalaýdy engizý barysynda ónim baǵasynyń ósimine jol bermeý kerektigin aitty, dep habarlaidy "Ult aqparat".
Búgin Parlament Májilisiniń jalpy otyrysynda «Eýraziialyq ekonomikalyq odaqta taýarlardy sáikestendirý quraldarymen tańbalaý jónindegi kelisimdi ratifikatsiialaý týraly» zań jobasy maquldandy.
Qujat aiasynda EAEO aiasynda taýarlardy tańbalaýdy engizý máselesi talqylandy.
Májilis tóraǵasy dárilik zattardy tańbalaýǵa jatatyn taýarlardyń ilki tizimine engizilýi týraly sheshimdi qoldady.
«Búginde barlyq damyǵan elder dárilik zattaryn tańbalaidy. Sáikesinshe, bizge de osy protsesterden qalmaý kerek. Turǵyndar elimizdegi dárihanalar men aýrýhanalarǵa tek sapaly preparattar jetkiziletinine senimdi bolýy tiis», - dedi N. Nyǵmatýlin.
Sonymen qatar, ol ónim baǵasynyń negizsiz ósýine jol berilmeýi kerektigin atap ótti.
«Tańbalaýdy engizý dári-dármek baǵasynyń ósýine yqpal etpeýi kerek. Bul másele atalǵan qadamdar turǵysynda negizge alynýy qajet. Sebebi bul taqyryp halyq úshin mańyzdy», - dedi Nurlan Nyǵmatýlin.
