قر پارلامەنت مەجٸلٸسٸنٸڭ تٶراعاسى نۇرلان نىعماتۋلين تاۋارلاردى تاڭبالاۋدى ەنگٸزۋ بارىسىندا ٶنٸم باعاسىنىڭ ٶسٸمٸنە جول بەرمەۋ كەرەكتٸگٸن ايتتى, دەپ حابارلايدى "ۇلت اقپارات".
بٷگٸن پارلامەنت مەجٸلٸسٸنٸڭ جالپى وتىرىسىندا «ەۋرازييالىق ەكونوميكالىق وداقتا تاۋارلاردى سەيكەستەندٸرۋ قۇرالدارىمەن تاڭبالاۋ جٶنٸندەگٸ كەلٸسٸمدٸ راتيفيكاتسييالاۋ تۋرالى» زاڭ جوباسى ماقۇلداندى.
قۇجات اياسىندا ەاەو اياسىندا تاۋارلاردى تاڭبالاۋدى ەنگٸزۋ مەسەلەسٸ تالقىلاندى.
مەجٸلٸس تٶراعاسى دەرٸلٸك زاتتاردى تاڭبالاۋعا جاتاتىن تاۋارلاردىڭ ٸلكٸ تٸزٸمٸنە ەنگٸزٸلۋٸ تۋرالى شەشٸمدٸ قولدادى.
«بٷگٸندە بارلىق دامىعان ەلدەر دەرٸلٸك زاتتارىن تاڭبالايدى. سەيكەسٸنشە, بٸزگە دە وسى پروتسەستەردەن قالماۋ كەرەك. تۇرعىندار ەلٸمٸزدەگٸ دەرٸحانالار مەن اۋرۋحانالارعا تەك ساپالى پرەپاراتتار جەتكٸزٸلەتٸنٸنە سەنٸمدٸ بولۋى تيٸس», - دەدٸ ن. نىعماتۋلين.
سونىمەن قاتار, ول ٶنٸم باعاسىنىڭ نەگٸزسٸز ٶسۋٸنە جول بەرٸلمەۋٸ كەرەكتٸگٸن اتاپ ٶتتٸ.
«تاڭبالاۋدى ەنگٸزۋ دەرٸ-دەرمەك باعاسىنىڭ ٶسۋٸنە ىقپال ەتپەۋٸ كەرەك. بۇل مەسەلە اتالعان قادامدار تۇرعىسىندا نەگٸزگە الىنۋى قاجەت. سەبەبٸ بۇل تاقىرىپ حالىق ٷشٸن ماڭىزدى», - دەدٸ نۇرلان نىعماتۋلين.
