Foto:Kenjegúl Tergembai/facebook.com
Respýblikalyq balalardy ońaltý ortalyǵynyń ashanasynan shý shyqty. Ashanaǵa kelýshiler toqashtyń ishinen tyshqan taýyp alǵan. Sanitarlyq-epidemiologiialyq baqylaý departamenti balalardy ońaltý ortalyǵynda tekserý júrgiziletinin habarlady, - dep habarlaidy Tengrinews.kz.
Ulttyq respýblikalyq balalardy ońaltý ortalyǵynda bolǵan oqiǵany Facebook jelisindegi "Astana, hochý pohvalit, pojalovatsia" tobynda jýrnalist Kenjegúl Tergembai jariialady.
Aita keteiik, bul ortalyq University Medical Center (UMC) korporativtik qoryna kiredi.
Tergembai ata-analar ashananyń taǵamdaryna kóńilderi tolmaitynyn aityp birneshe márte shaǵymdanǵanyn aitty.
Bul jaǵdaiǵa qatysty elordalyq sanitarlyq-epidemiologiialyq baqylaý departamenti túsinikteme berdi.
"Esil aýdanynyń sanitarlyq-epidemiologiialyq baqylaý basqarmasy ónimdi jetkizýshi kásipkerlik sýbektisin anyqtady. Kásipkerlik sýbektisi tekserýge moratorii qoldanylatyn shaǵyn kásipkerlik sýbektilerine jatatyndyqtan, ónim berýshige qatysty jospardan tys tekserýdi joǵary organdar júrgizedi. Nur-Sultan qalasy Sanitarlyq-epidemiologiialyq baqylaý departamenti ótkizgen jáne qabyldaǵan is-sharalar týraly aldaǵy ýaqytta habardar etemiz", – dep jaýap berdi vedomstvonyń baspasóz qyzmeti.
Sonymen qatar, Sanitarlyq-epidemiologiialyq baqylaý departamentiniń buiryǵy negizinde Esil aýdany boiynsha SEBD bólimi Respýblikalyq balalardy ońaltý ortalyǵyndaǵy tamaq ónimderiniń sapasyna jospardan tys tekserý júrgizýdi josparlap otyr.
