Búgin Qazaqstan vitse-premeri Imanǵali Tasmaǵambetovtiń tóraǵalyǵymen joǵary oqý oryndarynyń rektory laýazymyna úmitkerlerdi anyqtaý jónindegi Respýblikalyq konkýrstyq komissiianyń alǵashqy otyrysy ótti.
Eske sala ketsek, jańa talaptarǵa sáikes rektorlardyń taǵaiyndalýy ashyq konkýrs negizinde júrgiziledi. Respýblikalyq komissiia qaraýyna joǵarǵy oqý ornynyń baqylaýshy keńesi úshten kem emes kandidatty usynady. Komissiia qatysýshylardyń oqý ornyn damytý baǵdarlamasyn tyńdap, suqbat júrgizedi. Sonyń nátijesinde JOO-nyń rektory laýazymyna kandidatty anyqtaidy.
Komissiianyń qaraýyna 21 úmitkerdiń qujattary kelip tústi. Atap aitqanda, H. Dosmuhamedov atyndaǵy Atyraý memlekettik ýniversitetinen – 5 adam, I. Jansúgirov atyndaǵy Jetisý memlekettik ýniversitetinen – 5, Qostanai memlekettik pedagogikalyq institýtynan – 6 jáne Pavlodar memlekettik pedagogikalyq institýtynan – 5 úmitker usynyldy.
Aǵymdaǵy aidyń qazan aiynda JOO-nyń baqylaýshy keńesteriniń otyrystary ótkizildi, onda úmitkerler usynǵan oqý ornyn damytý baǵdarlamalary qaraldy. Onyń qorytyndysynda JJO-nyń baqylaýshy keńesteri qupiia daýys berý arqyly Respýblikalyq komissiia qaraýyna usyný úshin kandidattardy anyqtady. Aita keteiik, JOO-nyń rektorlary daýys berýge qatysqan joq.
Baqylaýshy keńesterdiń hattamalyq sheshimderi barlyq qujattarymen birge Respýblikalyq komissiiaǵa usynyldy. H. Dosmuhamedov atyndaǵy Atyraý memlekettik ýniversitetinen usynylǵan 5 adamnyń ishinen 2 úmitker, I. Jansúgirov atyndaǵy Jetisý memlekettik ýniversitetinen usynylǵan 5 adamnyń ishinen 2 úmitker, Qostanai memlekettik pedagogikalyq institýtynan 6 adamnyń 3-ýi, Pavlodar memlekettik pedagogikalyq institýtynyń 5 úmitkeri ishinen 1 kandidattyń qujaty usynyldy.
«Sizder oqý ornynyń pedagogikalyq baǵytyn saqtap qalýdyń mańyzyn eskerýlerińiz qajet. Eger de sizder zań jáne ekonomika siiaqty jańa tanymal mamandyqtardy engizýge umtylatyn bolsańyzdar, ózderińiz basshylyq etip otyrǵan oqý ordasynyń negizgi ornyn joǵaltyp alasyzdar. Óitkeni, kez-kelgen kásiptiń negizi ustaz sanalady» - dedi JOO-nyń damý baǵdarlamasyn talqylaý barysynda sóz alǵan Imanǵali Tasmaǵambetov.
Bul jańashyldyq qazaqstandyq joǵarǵy oqý oryndarynyń basqarý quramyn sapaly toltyrý jáne basqarý derbestigin ulǵaitý, sondai-aq, qoǵam aldyndaǵy eseptilikti kúsheitý qajettiginen týyndap otyr.
Buǵan deiin memlekettik joǵarǵy oqý oryndarynyń rektorlary QR Bilim jáne ǵylym ministriniń jeke sheshimimen taǵaiyndalyp keldi. Sondyqtan, rektorlar korpýsynyń biraz bóligi atalǵan laýazymda 3 jyl saiyn 2 merzimnen asa ýaqyt ielenip keldi. Nátijesinde búgingi tańda rektorlardyń 40 paiyzy zeinet jasynda nemese zeinetke deiingi jasta, bul óz kezeginde basqarý utqyrlyǵyn tómendetedi.
JOO-nyń damý baǵdarlamasyn talqylaý jáne suqbat qorytyndysy boiynsha Respýblikalyq konkýrstyq komissiia bos laýazymdarǵa usynylǵan úmitkerlerdi qarap, H. Dosmuhamedov atyndaǵy Atyraý memlekettik ýniversitetiniń rektory laýazymyna taǵaiyndaýǵa Taltenov Abzal Ahatulyn, Qostanai memlekettik pedagogikalyq institýtynyń rektory laýazymyna Ábil Erkin Amanjolulyn usyndy.
Sonymen qatar, I. Jansúgirov atyndaǵy Jetisý memlekettik ýniversiteti men Pavlodar memlekettik pedagogikalyq institýtynyń rektory laýazymdaryna kandidattar anyqtalǵan joq. Osyǵan orai, QR Bilim jáne ǵylym ministrligine konkýrsty jaramsyz dep taný jáne ony qaita ótkizý tapsyryldy.
.jpeg)