Imanǵali Tasmaǵambetov Qazaqstan golf federatsiiasynyń basshysy bolyp taǵaiyndaldy, - dep habarlaidy "Ult aqparat" uiymnyń baspasóz qyzmetine silteme jasap.
"Qazaqstan golf federatsiiasynyń bas hatshysy Erbol Buharbaevtyń aitýynsha, federatsiia tóralqasy otyrysynyń sheshimimen Imanǵali Nurǵaliuly golf federatsiiasynyń prezidenti bolyp sailandy. Qurmetti prezident bolyp Ábiqaev Nurtai Ábiqaiuly taǵaiyndaldy", - delingen habarlamada.
Tasmaǵambetov 1993 jyldan 1995 jylǵa deiin Qazaqstan Prezidentiniń kómekshisi, 1995-ten 1997 jylǵa deiin premer-ministrdiń orynbasary qyzmetin atqarǵan. Sondai-aq túrli ýaqytta Prezident Ákimshiligi basshysynyń orynbasary jáne Prezidenttiń birinshi kómekshisi qyzmetterin atqarǵan. 2002 jyly premer-ministr, 2003 jyly memlekettik hatshy bolyp taǵaiyndalǵan. Keiin Almaty qalasynyń (2004-2008), elorda ákimi (2008-2014) bolǵan.
2014 jylǵy 22 qazanda Tasmaǵambetov Qazaqstan qorǵanys ministri bolyp taǵaiyndalǵan. 2016 jylǵy 13 qyrkúiekte premer-ministrdiń orynbasary bolǵan edi. 2017 jylǵy 3 aqpannan bastap Reseidegi tótenshe jáne ókiletti elshi bolyp jumys istegen.
2019 jylǵy jeltoqsanda Imanǵali Tasmaǵambetov zeinet jasyna tolýyna bailanysty Qazaqstannyń Reseidegi elshisi qyzmetinen bosatylǵan.
